林月庭 - 玻璃紙燈籠｜甘美人生

頭條日報-專欄

更新時間：00:00 2022-08-31 HKT
發佈時間：00:00 2022-08-31 HKT

月餅廣告，鋪天蓋地，大家談論新口味，我就諗起燈籠，每年中秋節前，少人提起，但節日前夕，總會去店鋪或街市買一盞回家，明月、月餅、燈籠和水果，可說是中秋四寶。

兒時怕吃月餅，只愛玩燈籠，火中點蠟燭，小心翼翼置在紙燈籠中央，稍一不慎，燃着燒毀，難得的冒險玩味。當成功燃亮，提起夜遊，彩光照亮小玩伴肥嘟嘟的臉蛋，是最美好的童年回憶。

幸福玩具店店長搜羅不少昔日的燈籠，有大熊貓、金魚、鸚鵡...等，全用玻璃紙紮，透光度比縐紙紮的高，點亮後更華麗繽紛，兒時回憶返晒嚟。「每位小朋友想擁有一個燈籠但談何容易，到現在要搵番一隻舊款玻璃紙燈籠，其實比以前仲困難。」店長說，原因不說自明，燈籠結構單薄，收藏不易，撞毀的不計其數。

舊款的難覓，找新的比較容易。朋友介紹去元朗大橋街市，入面有一條「燈籠街」，大紅大紫的燈籠高高掛，把一條近四十米的走廊照得目眩神迷。
林月庭