入行25年只不滿一個角色回憶滿Fun佘詩曼重遊TVB

頭條日報-娛樂

更新時間：00:00 2022-07-14 HKT
發佈時間：00:00 2022-07-14 HKT

47歲視后佘詩曼入行25年，昨日她在社交網撰文透露多年在娛樂圈工作的心聲，承諾會繼續拍好的作品回饋粉絲。阿佘又上載早前重回電視城一日遊的片段，當年拍劇充滿樂趣的回憶，全部返晒嚟。

佘詩曼於1997年參加香港小姐奪得季軍後入行，拍過無數經典角色，成為TVB最紅花旦，更憑《延禧攻略》中的「嫻妃」在內地爆紅，劇集、電影及廣告接不停。

佘詩曼今年入行25年周年，昨日她在社交網透露入行多年的心聲，「成日話時間飛逝，無諗到真係飛得咁……快！咁就入咗行25年喇。過去咁多年好似好忙，但又好似咩都冇做過咁，可能因為太開心喇！從來唔覺得辛苦（除咗拍戲太曬之外），從來唔埋怨，因為鍾意！太鍾意我嘅工作喇！鍾意我演過嘅所有角色（除咗一部），感謝每一位俾過機會我嘅人，感謝觀眾嘅喜愛，感謝一直守護我嘅fans，感謝所有曾經合作過嘅每一個你！」阿佘又承諾會一直演下去，期待下一個25年。

此外，阿佘又特別抽空回娘家、TVB電視城一日遊，並拍片介紹這個充滿回憶的地方，由古裝街、化妝間到一廠，阿佘表示：「以前沒日沒夜的在這裏拍攝，都是美好的回憶，就好似以前嘅豬肉丸、三好、昭陽公主，拜拜啦！」