陳庭欣赤腳喪跑 Chilam保護宣萱逃離太空館

頭條日報-娛樂

更新時間：00:00 2022-04-22 HKT
發佈時間：00:00 2022-04-22 HKT

關閉了三個多月的戲院昨日重開，《G風暴》再度上映，一眾演員古天樂、張智霖（Chilam）、宣萱、劉浩龍及陳庭欣等均十分感恩。而電影亦發放了結尾炸太空館的部份劇照，一眾演員從爆炸現場驚險逃生，各演員都滿臉灰塵喪跑，相當狼狽！

電影《G風暴》作為反貪風暴系列最終章，製作亦一集比一集揼本，電影結尾炸太空館部份令觀眾睇得過癮，飾演G4的Chilam需要保護宣萱，帶領陳庭欣、劉浩龍及夏嫣從爆炸現場驚險逃生，各演員都要滿臉灰塵喪跑，十分狼狽！

Chilam表示相隔多年未有和宣萱合作，再次碰面慶幸大家仍是好狀態，「同宣萱其實真係好似噚日先同佢合作完咁，再合作我感覺上無太大分別，當然佢o依家演技更加成熟，亦都見到佢喺現場好認真！」宣萱就稱今次整個G4團隊大家都合作得非常開心，鏡頭後都會聊天、開玩笑，氣氛非常好。

同樣飾演G4的陳庭欣當日拍攝亦相當落力，需要化上血妝赤腳在凹凸不平的地逃跑，事前陳庭欣已做好安全措施，黐膠布在腳底保護雙腳，她笑稱：「跑完之後師兄就要放開我捉返夏嫣，我就撻咗喺欄邊，自己要就位攤好，好彩最後拍咗幾個鏡頭就順利完成！」