【Juicy叮】飼主放黑白照「沉重」戲謔愛貓網民：你會唔會咒家人死

港聞

更新時間：16:01 2021-04-01 HKT
發佈時間：15:19 2021-04-01 HKT

有飼主用愛貓的黑白照開愚人節玩笑。網民Takey Chan圖片

愚人節不少人都會開玩笑，雖然是無傷大雅，但萬一有人認真看待則可能觸發怒火。

有網民在facebook群組「天下貓貓一樣貓」上載黑白的愛貓照片，稱今日是一個好不開心的日子，要宣布一個「好沉重嘅消息」。網民自言「我哋承認我哋忽視左個嚴重性，我哋而家都好後悔。係，我哋唔係一個好主人，我哋成日忽視左阿花。如果時光可以重來一次嘅話」

正當大家以為是宣布貓隻死訊時，網民卻出乎意料哋説「我一定唔會放長糧放題任食令阿花足足重左1公斤」

帖文引發數以百計網民留言，有人說「心情一秒間轉變太大」、「眼淚還來」。不過部分人指責，「唔好笑囉」、「要玩都唔係拎呢一樣嘢玩」、「你會唔會咒屋企人死」、「拎啲咁嘅嘢玩，你個腦真係有問題，唔關愚人節事，拎自己隻貓咁玩，你真係好快樂？」、「真係冇搵嘢嚟講笑，如果佢有咩冬瓜豆腐，冇人會同情你，因住好嘅唔靈醜嘅靈」。

不過也有人認為無需小事化大，「啲人話唔好拎呢啲嚟講笑嘅意思係咪講緊肥咗1kg唔可以拎嚟笑」、「其實現代人仲係咪一定黑白相就會聯想到死亡？咁Juno 係咪要死好多鑊？」。

帖文轉載自facebook群組「天下貓貓一樣貓」