【Juicy】夫家三人同住港媽怨小姑常口角網民批無錢勿生育

港聞

更新時間：16:22 2020-11-23 HKT
發佈時間：15:10 2020-11-23 HKT

劇集講述同一屋簷下婆媳及姑媳等家人相處矛盾。TVB《缺宅男女》截圖

網上討論區「親子王國」有港媽發文，港媽透露，因交不起高昂租金，申請了公屋6年未有結果，一家三口與家翁、家婆以及小姑同住，但經常與小姑發生口角，大呻希望早日搬出去分家。

這位港媽炮轟年過三十的小姑是「毒姑」令她忍無可忍。最近反目之後，小姑常常做瑣碎事惹怒她，例如好大力關門，例如噴到一屋都是香水味，港媽形容味道俗到猶如身處色情場所，港媽抱怨「我依家盡量忍，因為好驚經常同佢吵會影響我小朋友。只係想搵哋方呻」。

港媽又揶揄小姑是「老姑婆」，「已唔會諗佢幾時嫁就等於自己幾時可甩難」。她又引述小姑稱不結婚因兄嫂在家阻礙，港媽則揚言一定會在夫家「堅持住耐啲...希望佢講得出做得到，成全佢因為我住係度，所以唔嫁。放長眼睇下究竟係咪因為我而唔嫁」。

劇集講述同一屋簷下婆媳及姑媳等家人相處矛盾。TVB《缺宅男女》截圖

劇集講述同一屋簷下家人相處矛盾。TVB《缺宅男女》截圖

不少網民意見紛云，有人認為「寄人籬下都無辦法，以你姑仔嘅角度，佢係你老爺奶奶個女，佢哋同姓一家人，你只係外人，黎侵佔佢屋企，憎你都正常」、「凡事雙向，姑仔其實仲慘，廿幾三十年住屋企都冇問題無端端多個人被迫一齊住」、「無本事要同男家住，同男家關係唔好，好心就唔好生啫，要生唔該搬出去或回娘家住。唔係一句無本事就要人就你」、「樓主一話等緊公屋，就變得好合理，等公屋嘅家庭係好願意生BB，居住空間又大啲」。

有人則建議，「不如正正經經同佢講和，話晒住埋係同一間屋」、「不如你自己帶老公和小朋友返娘家住」啦。

港媽於是再解釋，「當初男家人想仔早成婚，咁就提早結婚，後來家婆成日講生返個畀大家抱下，真係生咗，原來誤會咗，佢講抱下，唔係凑...最來頂咗2年，真係冇辦法要quit, 去全職凑，之後屋企對得多就自然多矛盾，依家全職媽媽凑住小朋友，全職主婦負責全屋人的膳食。」

她又反駁網民，「娘家有新抱，我點解要將問題帶返娘家...同住，只求互相尊重，唔係入唔入侵人哋屋企，我老公大仔，我嫁距唔跟距住，嫁來把鬼」。