【Kelly Online】疑體溫過高被拒入餐廳食客爆粗狂鬧待應惹批評

港聞

更新時間：19:12 2020-03-10 HKT
發佈時間：19:03 2020-03-10 HKT

新冠肺炎疫情肆虐，有餐廳為加強防疫，會為食客量度體溫後才能進入餐廳。有網民近日在旺角一間火鍋店食飯，期間看到鄰枱有一家人進來用餐，其中一位食客因體溫過高被拒進入，同行的一對夫婦發惡狂鬧侍應「咩疫情啊依家有幾嚴重啊？」女兒更因為爭吵而嚇到喊。不少網民對質疑有關食客行為，批評太自私。

網民Jennifer Kwong在Facebook群組發文，表示日前在旺角一家台式火鍋店，一對年紀較大的夫婦及女兒到餐廳用餐，同行還有一位友人，疑因其友人體溫偏高而被職員拒絕進入，該名年紀較大的爸爸對侍應用粗言穢語破口大罵，表示︰「位我就坐咗啦，我係唔會走㗎啦！」

餐廳職員向男子解釋後再為他們量度體溫，該名男子非常不滿，再度大鬧「咩疫情啊依家有幾嚴重啊？」又質疑餐廳的量體溫器的準確性，「你個儀器好準啊？你度就一定啱㗎？」同行妻子反駁指「出面等咗成個鐘係人都熱啦」、「Common sense(常識) 啦熱就體溫高」，又指責餐廳厠所污糟，「你去睇下你哋個廁所啦咁污糟」。父母的爭吵質疑嚇親女兒，「佢哋個女係隔離喊，明顯喊到都無心情食飯。」

不少網民狠批夫婦行為自私，「到而家都唔知疫情有幾嚴重？呢啲人成日以為自己唔會咁好彩中招，無啲防疫意識！」、「點解仲有人覺得宜家唔係好嚴重，係咪要瀨嘢先知錯」、「我覺得做生意嘅點都要諗吓辦法，點樣對付呢啲咁嘅無賴。」