泰文漢不停問「你有咩問題」九巴：下次同車長傾計最好用返廣東話

港聞

更新時間：21:53 2019-05-02 HKT
發佈時間：17:30 2019-05-02 HKT

九巴利用事件抽水。網上圖片

網上瘋傳一條九巴車Cam片，當巴士駛至總站後，一名自稱泰國人的男乘客拒下車，走到司機位不停投訴，不滿行車時間太長，要求「對唔住」，一時強調自己一個人，一時又問車長是否男人，不停重覆問車長「你有咩問題？」，令司機莫名其妙，引起網民熱議。

九巴在Facebook專頁詼諧回應事件，稱「九巴仔黑人問號模式啟動??? 真係要問句 : 你有咩問題？」。九巴指，「คุณมีปัญหาไหม？<<<呢句『你有咩問題？』相信已經洗足大家兩日版😌！九巴仔今日一番工畀人問起都一頭無緒🤯！雖然我哋九巴車長都有唔錯嘅溝通能力，不過大部分都應該唔識泰文👉🏻👈🏻」

九巴稱，「下次想同車長傾計，最好用番廣東話啦！最後九巴仔喺度想讚一讚車長😊，喺當時情況依然維持佢嘅專業！畀個叻你👍🏻！SA WA DEE CUP❤！！！」。

帖文引起網民熱議，「好野！咁都抽水！」、「呢個Like係俾車長，EQ高又有禮貌。」。

九巴發言人表示，4月29日早上約8時30分，一名乘客乘搭42線九巴到達長康巴士總站後，未有落車，車長請站長到場協助。在站長表示願意提供協助後，乘客自行離開。