Kelly Online：豬年前抱孫唐英年榮升爺爺

港聞

更新時間：21:48 2019-02-03 HKT
發佈時間：21:01 2019-02-03 HKT

唐英年兒子唐嘉盛。資料圖片

後日就係大年初一，送狗迎豬，不少人對豬的印象都是「蠢」、「懶」同「污糟」，西九管理局主席、前政務司司長唐英年，今日喺微博同各位市民拜年則大讚「豬是象徵聰明、活潑和福氣的動物」，更祝願大家新一年都可以好似豬仔咁充滿福氣同朝氣勃勃。

對現年66歲嘅唐英年嚟講，今年可以話係別具意義，除咗可以見到有西九「東大門」之稱嘅西九戲曲中心開幕外，更正式榮升爺爺，今個農曆新年可以首次帶住孫仔去逗利事，可以話係雙喜臨門！而唐英年今日喺微博上亦都直言，有新生命嘅來臨令到一家人都喜慶滿堂，認真開心！

除咗分享自己嘅開心事外，他亦不忘宣傅西九文化區新開嘅戲曲中心，仲話希望戲曲中心正式開幕開台後，可以進一步推動香港的文化氛圍，為年青人創造更多機會。佢喺文尾更祝願香港無論民生丶經濟及文化方面，面對順境或逆境時都可以無懼挑戰、穩步發展，展現香港人獨有嘅精神！