Kelly Online：欲自攜蛋糕拒交100蚊切餅費大鬧餐廳網民反捱轟

港聞

更新時間：16:20 2019-01-15 HKT
發佈時間：20:50 2019-01-13 HKT

網民不滿自攜蛋糕需要交100元切餅費。Facebook圖片

原則問題定無事生非？有網民在Facebook群組「North District 北區」轉載一名男子的帖文，網民不滿一間西餐廳無心儀的甜品，要求自攜蛋糕，但不滿被要求交100元的切餅費。男子大怒取消預約之餘，還在網上批鬥餐廳做法，豈料反而遭到網民聲討。

該名洋名「Derrick」男子在Facebook發文，指原本打算與朋友往大角嘴一間餐廳食生日飯，早一日打電話問有何甜品，電話中餐廳職員只回答有一款或兩款。「咁壽星鐘意食芒果，會唔會另外有芒果做嘅甜品？無」。男子於是說「OK，咁我自己帶蛋糕得喇呱。佢話收$100切餅費」。男子認為，「我哋先唔好討論你憑咩收一舊水，喂，依家係你無choices」。男子稱一直認為切餅費好荒謬，但因「唔想畀咪唔好食/唔好帶嘅道理」，所以都是說研究下。

男子認為可能餐廳在電話上説不清，所以經Whatsapp向餐廳索取甜品菜單，男子稱「佢收得一舊水切餅，一係佢切餅切到出神入化，能夠唔洗睇教育電視就識點樣完美地將個蛋糕分成三等份，一係佢就有原本比天神食嘅不過依家唔小心跌咗落凡間嘅驚天地泣鬼神甜品唔想我錯過」。

男子又等了大半日，在快到預定時間時，餐廳依然無回應，於是就發訊息取消訂位，餐廳即回應「OK」。結果男子大怒，用英文砲轟「What a snob！...」（多麽自負傲慢的人，從不要求好態度但這完全不合理，我會跟每一個人說你們有多荒謬）。

網民不滿自攜蛋糕需要交100元切餅費。Facebook圖片

不過帖文一出，隨即遭到其他網民批評，男子強調「我認我根本反對切餅費，我唔認為好多間都收就可以合理化」，「如果我真係要帶蛋糕，我都會心甘命抵當交罰款，但電話度佢話得1定2款甜品？」。男子又堅持，認為100元的定價不合理。

網民大多都不接受解釋，批評餐廳做法無錯，「人哋開善堂咩，畀你外帶嘢食、嘢飲好唔好」。有網民又嘲笑事主批鬥不成反而被圍攻，「咪揾間由主菜到甜品都啱食又唔收切餅費嘅餐廳幫襯囉。擺上網圍爐取暖不成畀人取笑又何必呢。」