Kelly Online：袁國強慨談工作「辛苦，但滿足」

港聞

更新時間：10:01 2017-07-09 HKT
發佈時間：09:56 2017-07-09 HKT

留任新一屆政府的律政司司長袁國強，上屆任期多次因腸病入院，所以任命落實後亦一直傳言他完成高鐵一地兩檢問題，就會唔撈，重返法律界。他昨日出席電台節目訪問時，主持人就讚他睇落好精神，繼續做足五年任期都沒有問題，他就笑稱：「精唔精神我自己都唔敢講！有些朋友話我今日好精神，有些朋友又話做乜個樣咁眼瞓。」

被問到是否勉為其難留任，他隨即笑笑口話︰「我諗千祈唔好用勉為其難咁形容詞。」他強調，最重要不是時間問題，而是「任何一個官員，包括我自己，一日係呢個位，我地一日都會盡力做好我要做的工作。」他又慨歎律政司工作「挑戰好大，辛苦嘅，但有滿足感，直言作為法律界人士，有機會擔任這個崗位，「確實係一個榮幸」，他亦學習到很多東西。

不過，他說每個人都不可能永遠停留在一個位置，認為不同人擔任這個角色，會帶來不同思維，無論從律政司或香港的角度而言都是好事。