「最強星二代」林愷鈴人日獻唱 憶童年成長感觸 全靠媽咪支持發掘熱情
更新時間：09:50 2026-02-24 HKT
發佈時間：09:50 2026-02-24 HKT
發佈時間：09:50 2026-02-24 HKT
字體大小
仙氣女神昨現身中環！ 昨日適逢年初七「人日」，中銀香港於遮打花園盛大舉行「FamilyMAX 樂滿祝福音樂會」。人氣歌手Ashley 林愷鈴穿上喜慶紅衣驚喜現身，聯同步操樂團及啦啦隊呈獻多元演出，用歌聲同熱鬧表演為全港家庭送上最強新春祝福。
作為FamilyMAX「樂滿祝福音樂會」的驚喜嘉賓，Ashley一出場就以招牌甜美笑容及喜慶新春造型俘虜全場！她先於台上帶來冠軍歌曲《玩味日常》，接着與福建中學附屬學校合唱團唱出賀年歌《恭喜恭喜》，寄語「新一年新希望新氣象」；壓軸更首度聯同國際級步操樂團珀珈斯樂團（The Pegasus Vanguard）及本地舞團Infinity Dance Studio的兒童啦啦隊合力演繹《歡樂年年》，將現場氣氛推向高潮。
人氣歌手Ashley林愷鈴聯同其他單位以步操樂團及啦啦隊等呈獻豐富的新春慶祝活動。
自小才學兼優的Ashley表示：「媽咪對我嘅成長真係好重要。由細到大，無論係學鋼琴、小提琴定係畫畫，佢都好支持我發掘自己嘅興趣。我覺得『成長』唔單止係知識上嘅進步，更加係搵到自己嘅熱情所在。所以今日見到咁多小朋友喺台上表演，我都好感觸，好似見到自己以前咁。」
談及利是錢的使用，Ashley提到：「媽咪真係會幫我『儲起佢』，仲會教我咩係『需要』，咩係『想要』，去認清自己的需求之餘亦要好好分配Budget。各位小朋友都可以幫自己定一個儲蓄目標，用利是錢、零用錢作為開始，慢慢養成儲蓄嘅習慣，建立正確理財價值觀。我剛剛開始記帳，記低自己洗咗啲錢喺邊，暫時最大開支喺交通上，希望今年繼續努力創作，努力搵錢儲錢。」
自小才學兼優的Ashley表示媽咪對她的成長真的好重要。憶童年成長感觸 全靠媽咪支持發掘熱情
