馬國明親認有共識下年與湯洛雯拉埋天窗：旅行結婚好似會幾開心

更新時間：20:00 2022-11-12
發佈時間：20:00 2022-11-12

馬國明昨日出席在電視城舉行的《無綫節目巡禮2023》，接受傳媒訪問時他笑指靚湯早前提起婚期時，大家只當她是宣傳電影，但原來馬國明已有共識下年有打算旅行結婚：「我哋本身都鍾意旅行，所以旅行結婚好似會幾開心，不過應該唔會係日本，佢想去歐洲，（佢話想去你哋讀書地方？）佢係英國，我係加拿大，但真係未定地方，不過我都想返加拿大探舊同學。」問馬明是否已求婚？他即大耍太極說：「再話俾你聽！都話有消息就會公佈，唔好而家問我呢啲。」不過他就指雙方家長亦有傾過，但因現在仍未有一個很確定的計劃，所以沒什麼可公佈，不過婚期應該會在明年中或之後。

相關閱讀：忽然心動丨湯洛雯馬國明遊日後感情升溫認定對方係好男人預告下年結婚

【點撃睇湯洛雯與馬國明有幾Sweet】：

明年將會推出新劇《隱形戰隊》的他指雖然過往做過很多警察角色，但《隱》對於他來說很難忘：「我好少做一啲好正經好有型嘅警察，以前都可能做一啲playboy嘅警察，但呢套係好醒目一個幹探，呢個對我來講都係一個幾大嘅挑戰。」馬明透露過年後及年中將會拍兩套劇，問他是否沒時間籌備婚事，他笑指不知道，只是與女友湯洛雯有共識是明年，但仍未有確定日期。

提到早前馬明為《降魔的》拍短片得到很好反應，他沒想到網上反應會如此熱烈，問到是否想拍第三季？他說：「留畀公司安排，不過呢啲古怪題材觀眾鍾意睇。」

【相關閱讀】：

TVB節目巡禮｜譚俊彥林夏薇大合照企正C位陳山聰傍實視后有望爭視帝？

TVB節目巡禮丨周嘉洛包辦三劇成「劇王」受力捧林鈺洧家事成熱話：唔想再回應

超能使者｜張美妮遭連摑十巴爆SEED殺死魯振順一集三人輪住喊好感動

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ