大埔驚見「易服的哥」著裙揸的士 同行追入加油站怒Ｘ 網民疑事主有更激前科｜Juicy叮
發佈時間：16:02 2023-07-19 HKT
網民近日熱議一張「易服的哥」著裙揸的士的相片，該「易服的哥」在加油站內，被另一名的士司機以粗口斥罵：「X你老X，男人老狗著裙揸的士。」
大埔「易服的哥」著裙揸的士 網民力撐咁睇...↓↓↓↓
有關相片在剛過去的周日（16日）上載社交平台，相中地點在大埔一個加油站內的便利店，相中一名留長頭髮男子，背向鏡頭對著貨品陣列架，似未為意被拍照。
他頭戴冷帽，身穿紫色外套，下身則穿著一條格仔裙，腳著運動鞋。
被斥「男人老狗著裙揸的士」
該男子身後站著兩名男子，拍得該相片的網民附有字幕，顯示身後其中一名男子向「著裙的哥」報以粗口，斥罵：「X你老X，男人老狗著裙揸的士。」
樓主指，著裙及斥罵的男子均為的士司機，他在帖文中表示：「呢個帖我係唔會有任何個人評論，張圖亦係師兄既真實對白，我只想話俾大家知，社會上有好多另類人士存在，只要佢開心就得，大家就唔好被說話人地聽喇。」
網民力撐著裙揸的
網民對事件議論紛紛，普遍認為每個人有衣著自由，如果無影響到人，著裙揸的士亦無不可：「佢又冇害人，我真係覺得冇所謂。」「咩年代呀，關你乜事？」「大家唔應該戴有色眼鏡睇人。」
「蘇格蘭鬼佬人著裙呀～唔笑？ 女人著褲又得？人地冇影響人，冇入女厠，唔好笑人！」「又唔係無著褲，佢坐係度揸車，著咩又關你事。」「易服冇影響人，有咩問題？」
網民疑易服的哥曾著校服開工
有的士司機則留言指著裙揸的，對於職業司機可能有其好處：「痾尿方便喎，放個水樽仔就搞掂，唔使四圍搵位。」「穿裙開工，應該好舒服。」「37度著裙涼浸浸一啲都唔怪，我反而覺得戴冷帽係咩玩法？」
有網民則懷疑該「易服的哥」有前科，在2017年有人曾拍到一名男的士司機著女子校服揸的士，該校服的哥在荃灣交更，但對於是否與今次著裙司機為同一人，仍未能確定。
有網民透露該校服的哥近況：「佢無著校服好耐呀」，「我上個月係橫州氣站，著OL套裝，行家都見怪不怪。」
同場加映：的哥反鎖內地客爆粗恐嚇屈錢：「臭X！唔畀玩X殘你！」小童受驚號哭 最終咁甩身↓↓↓↓
通關後內地來港旅客急增，網絡瘋傳一段本港的士司機，反鎖內地客爆粗恐嚇屈錢的影片，引發熱議，該司機竟為濫收車資，不惜反鎖車門，又語帶恐嚇：「唔畀，我就搞到你！」「玩X殘你！」期間內地客身邊小童受驚號哭，該內地客則大嗌：「居然鎖(我哋)係㗎車到，嗌我哋畀錢喎，黑車嚟㗎！」
的哥反鎖內地客爆粗恐嚇屈錢 旅客最終咁至甩身｜點擊即睇↓↓↓↓
詳情瀏覽：的哥反鎖內地客爆粗恐嚇屈錢：「臭X！唔畀玩X殘你！」小童受驚號哭 最終咁甩身
其他相關熱話：
的哥「唱」污糟銀紙逼客收：「啲字唔係我寫落去！」疑有古惑企圖係...
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
