Juicy叮|2人家庭收青富苑揀樓書 僅剩187呎單位感糾結
更新時間:10:06 2022-11-16
發佈時間:10:06 2022-11-16

房屋署早前推出「特快公屋編配計劃2022」,並同時推售「綠置居2019」青衣青富苑和柴灣蝶翠苑貨尾單位。有港女在網上發文,指以2人家庭輪候公屋,近日收到綠置居計劃的選樓通知書,但只剩下187呎單位,因此糾結「要唔要好呢?」

請點擊組圖瀏覽:

該名港女在Facebook群組「香港公營房屋討論區(FB版) 」發文,指現時正輪候公屋,近日由單人申請轉為2人家庭,最近收到青富苑及蝶翠苑選樓通知書,但可選擇的單位口只剩下面積僅187呎的單位,因此感到糾結,詢問網民「要唔要好呢?定係再等將來換綠表買樓好呢?」她又補充指,打算1至2人居住,將來未必會生小朋友,又指「想抽下期居屋,但唔知有冇咁好運氣」,她亦想過等綠表,但「將來綠表又驚冇能力供」,「諗下諗下呢度又係新樓」,並指「「其實上公屋我將來份工有機會超,所以我先心大心細要唔要」。

不少網民勸喻樓主不要揀樓,並指「1個人住就可以,2個人以上太細」、「百幾尺等於劏房,起碼280先舒服」、「呢種單位真心唔適合家庭住,細得離譜」、「機會得一次 唔岩梗係等綠表,自己再出去慢慢揀啦」、「買咗你會後悔」、「百幾呎邊個會畀錢買」、「幾百萬買劏房梗係唔好啦, 情願同樣價錢出去換個面積大嘅公屋好過」、「買左=成世住劏房,真係唔好買。除非決定一個人過世。」等。另有人分享指,「去過睇,真係好細,私樓樓底高就話可以做閣仔啫,呢啲攞嚟搞」、「我同事前幾日都去咗揀樓 ,不過最終都係放棄因為太細」等。

相關新聞:

特快公屋約2000單位今起接受申請 同步推青富苑蝶翠苑貨尾:https://bit.ly/3V1Eta0
Juicy叮|港女輪候公屋13年獲派彩園邨凶宅稱感恩 網民 : 做人豁達啲好:https://bit.ly/3gajuTO
Juicy叮|港婦等8年首派深水埗白田邨 稱交通方便惟因一問題忍痛拒絕:https://bit.ly/3X86G0C

綠置居貨尾的青衣青富苑及柴灣蝶翠苑單位一同在「特快公屋編配計劃2022」出售,估計合共約有188伙(估計未計算後期的撻訂單位)。兩屋苑皆曾列入「綠置居2019」,惟銷情不理想,青富苑有約160個貨尾至今仍未能售出;翻查成交紀錄冊及售樓說明書,青富苑貨尾單位多為不足190呎的「納米盤」。

翻查蝶翠苑成交紀錄冊,發現近4個月有27個「撻訂」紀錄,當中有三份一為187及189平方呎的「納米盤」。青富苑單位售價介乎99萬至252萬港元,而蝶翠苑單位售價介乎106萬至185萬港元。根據房委會網站的最新銷售情況資料,截至昨日(15日)下午近5時,青富苑的可供選擇單位數目為9個,分別為A座3個及B座6個;至於蝶翠苑的未售單位則為1個。

帖文來源:「香港公營房屋討論區(FB版) 」

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ