長者樂悠咭北上直通巴優惠！$5荃灣/上水直達深圳文錦渡口岸國慶/中秋都搭得

更新時間：18:32 2025-09-30 HKT
發佈時間：18:32 2025-09-30 HKT

中港直通巴公司「華通巴士」，繼早前推出上水往返深圳文錦渡口岸長者優惠後，近日於荃灣線再推出同樣的折扣優惠！老友記憑樂悠咭搭乘荃灣線往文錦渡口岸，即可以$5的優惠票價乘車，而成人單程票亦有折扣。只需50分鐘即到達口岸，並可轉乘深圳地鐵前往東門、向西村及多個大型商場，於國慶或中秋假期北上消費亦夠方便。

樂悠咭專享跨境巴$5優惠！荃灣直達文錦渡口岸

華通巴士於7月時推出樂悠咭$5搭乘直通巴優惠，大受長者歡迎，巴士公司日前就宣布將會於10月1日開始，加通荃灣線至深圳文錦渡口岸的長者優惠。由明天起長者使用樂悠咭，於荃灣綠楊坊、荃灣德華公園或葵芳站乘搭荃灣線，即可以$5的優惠票價直達深圳文錦渡口岸；至於之前曾推出樂悠咭優惠的上水線，$5優惠亦會回歸，更方便長者北上。

每日多班車轉乘深圳地鐵往東門/商場

荃灣線直通巴每日發車時間為8:30am至8:30pm，每30分鐘一班車，上車地點為荃灣綠楊坊、荃灣德華公園及葵芳站，只需50分鐘便直達文錦渡口岸。除樂悠咭優惠$5外，成人單程亦有優惠，會由原價$30減至$20。至於上水線發車時間則為6:55am至9:40pm，每5至10分鐘一班車，車程約8分鐘便到達口岸。

對港人來說，文錦渡口岸雖然較為小眾，但勝在人流較少，過關較快捷，全程約需10分鐘，最適合想避開人潮的旅客。過關後可步行至深圳地鐵9號線「文錦站」，再前往東門步街、向西村等，附近亦有茂業百貨、太陽百貨、國貿大廈及金光華廣場等，加上國慶、中秋等假期亦可乘搭，北上消費更實惠。