搭廉航免加錢都可連位？香港YouTuber教路網上揀位3大技巧搭飛機不加錢即可與親友同坐網民：慳返幾百！

更新時間：16:20 2024-10-03 HKT
發佈時間：16:20 2024-10-03 HKT

為慳機票錢，不少人都會選擇搭廉價航空，不過壞處便是行李、飛機餐等樣樣都要加錢，甚至連座位都要付「揀位費」，否則航空公司隨時「打散」同行乘客，最近有香港YouTuber實測網上揀位技巧，靠3大要訣成功免加錢都可以與朋友同坐，網民大讚實用「分分鐘慳返幾百！」

香港YouTuber教路搭廉航網上揀位3大技巧

最近香港YouTuber「肥姨姨」於Threads拍片教路搭廉航網上揀位貼士，只要掌握3大要訣，無需額外付「揀位費」，即成功獲安排與同行朋友坐相鄰座位，網上揀位3大技巧詳見圖輯。

搭廉航免加錢都可連位？網民：慳返幾百！

影片隨即引起熱議，不少人大讚實用：「分分鐘慳返幾百！」、「佢（航空公司）係由後面起順住派位，一票多人會打散，所以只要分開買票同時check in（辦理登機手續）就可以坐埋一齊。」、「一齊坐又真係開心啲」、「Life skill嚟。」

不過亦有人負評：「畀少少錢算啦，咁X麻煩」、「一陣又換機型，無咗」、「等於報咗個bug（程式錯誤）畀UO知」、「悲哀！」、「太後生，三四個鐘頭內，真心點坐法已無乜所謂。」隨即有網民反駁「幾個後生仔一齊玩幾開心呀！」、「唔係錢嘅問題，而係一齊破解到呢嘢，好玩、開心。」亦有人指可以叫地勤調位，不用浪費時間用上揀位技巧。

來源：肥姨姨@Threads、HK Express 香港快運及旅行資訊關注組@Facebook；文：M