沙田早晨│「幸運派彩」石哥落手拖

更新時間:15:40 2026-11-10 HKT
發佈時間:15:40 2026-11-10 HKT

今季已累積七W成績唔錯的徐雨石,近期谷戰更憑「勁步速」、「隨想曲」及「螢影飛馳」連贏兩期奪下三W,今次練者派馬陣容亦強,相信有力取得谷草三連勝,其中「幸運派彩」最要留意,今朝一如既往到大圈加課,不論課前課後石哥均跟到實,課後甚至落手拖馬。

銳一大圈加課有睇頭

「銳一」今朝到大圈加課。
「銳一」今朝到大圈加課。

講開大圈加課,今朝共有兩匹參戰馬作這安排,另一匹是「銳一」,睇番今次甘廄共派兩駒上陣,另一匹「假面勇士」今朝只到內圈出試,「銳一」更顯得操練極不尋常,再者轉由梁家俊戰力不減,合跑田草千四的馬多擅谷草一哩,甘敏斯必定好鬥志,退熱好分值博。

雷神太保騎練傾大計

今朝黎昭昇一度同艾道拿出雙入對,似是分析出擊大計。
今朝黎昭昇一度同艾道拿出雙入對,似是分析出擊大計。

今季黎昭昇暫時勝出五W,當中有四W來自谷草賽事,可見細場搏殺零舍得心應手,今次「雷神太保」季內四戰均跑田草,今仗終於重返首本谷草贏馬路程,搏殺可謂明刀明槍,今朝晨課亦展現搏殺動靜,事關練者一度同鞍上人艾道拿出雙入對,似是分析今次出擊大計。