沙田早晨│「鑽石星空」石哥落手拖
更新時間：15:40 2026-10-02 HKT
發佈時間：15:40 2026-10-02 HKT
發佈時間：15:40 2026-10-02 HKT
字體大小
「鑽石星空」因傷患沉寂好長時間，來到今季終於重新振作，開鑼日放得極快也拚入三甲，接戰安排匆匆再出，重飛之下順利補中，正值勇境今仗再跑當打鐵趁熱，今朝此馬五點十五分由助手出試在大圈踱步，當時徐雨石緊張到痹，課後不只接馬，甚至落埋手拖馬。
細水長流老蔡猛咁睇
今朝「細水長流」不論課前課後蔡約翰都踩單車跟實。
蔡約翰剛戰雖憑「首飾天空」取得進帳，可惜之後的「八仟好運」同「辣得準」均大熱拚失，失望與否不得而知，然而練者今朝如常一早露面督操，尤其「細水長流」到內圈踱步時份外着緊，不論課前課後都踩單車跟實，當時仲不斷望着馬匹，可以話緊張到出面。
叻叻豬勁大威猛似樣
「叻叻豬」同「勁大威猛」今朝齊齊到大圈出跳，當時姚本輝緊張督操並親身打錶。
姚本輝今季手風一般，剛戰連場拚失得三個亞軍，季內亞軍總數達到八次，而頭馬則只得一場，志切收復失地，周日重兵出擊必拚盡，其中「叻叻豬」同「勁大威猛」最要留意，今朝五點半齊齊到大圈出跳，當時姚本輝緊張督操並親身打錶，課後甚至落埋隧道底接馬。
盛勢威楓賀賢延勝纜
今朝「盛勢威楓」出跳時賀賢全神貫注督操，唔肯坐低企起身睇馬。
除了巫偉傑同伍鵬志，要數今季最驚喜的練馬師必定係賀賢，剛戰贏三W，頭馬已推升至八場，而且無論勝出率及上名率都是最高，氣勢如虹今戰值得追捧，正如「盛勢威楓」今朝由黃寶妮出跳，賀賢不只全神貫注督操，當時更唔肯坐低，企起身睇馬，相當肉緊。
最Hit
東九龍新地標「領達廣場」10.6試業！領展14萬呎新商場 設美食街/街市 30+酒樓餐飲/天台遊樂場/健身室
2026-10-01 13:45 HKT
譚詠麟三位氣質姊妹罕有同框 校長晒家庭照慶功 網民大讚三姊妹優雅和藹
2026-10-01 16:56 HKT
