內圈捕影│「醒目先駒」勇銳無比
更新時間：18:23 2025-09-23 HKT
發佈時間：18:23 2025-09-23 HKT
發佈時間：18:23 2025-09-23 HKT
字體大小
大多周日參戰馬昨朝都到內圈出試，場面熱鬧，甚多精彩鏡頭。
「包裝天將」助手踱一圈，運步如輪神采奕奕，力度充足暗火湧現，馬身壯健毛色唔淡，正值勇境。
「光年程祥」助手踱一圈，快慢由人試得乖巧，馬身好靚好壯，神態軒昂雙目有神，保持理想進度。
「醒目先駒」助手踱一圈，全程擔高頭走相當神氣，步順力雄火氣充裕，馬身更靚更結實，勇銳無比。
「金勝名駒」助手踱一圈，神情專注目光如炬，步伐穩健力度足夠，馬身靚且有線條美，打仔馬長期呈勇。
「拉合爾」助手踱一圈，極之收斂，試來神閒氣定，跑姿順暢落腳輕巧，馬身亦收得好壯，人見人愛。
「辣得準」助手踱一圈，毛色烏卒卒好靚，馬身壯全身肌肉，步挺順暢力度充沛，勝後更進上佳水準。
「運來勇士」助手踱一圈，大大步輕鬆完成，步順爽勁神態暢旺，火氣絕對唔差，轉倉操足狀態不俗。
「富裕君子」黃智弘踱兩圈，小心按實順走，身色俱吸引，過步輕爽力度亦夠，朝氣勃勃勇況更盛。
「有盈勇士」助手踱一圈，試來精神爽利，步順輕快有彈力，馬身愈見粗壯實淨，多跑之下勇態冒升。
「奮鬥心」助手踱一圈，輕描淡寫完成，神態自若豎起雙耳，身靚力足毛色油潤，比起上仗更醒神。
謝鋒
