沙田早晨│蔡廄三駒罕見一齊跳
更新時間：00:09 2025-09-12 HKT
發佈時間：00:09 2025-09-12 HKT
發佈時間：00:09 2025-09-12 HKT
字體大小
蔡約翰督操有兩慣例，一是踩單車到公眾席看台前邊睇馬；二是每次逗留至少五分鐘，原因每次有三、四匹蔡廄馬，一隻跟住一隻出跳。然而昨朝五點十五分老蔡只停留了一分鐘就走人，皆因是「精算激流」、「一世美麗」及「大利好運」罕見地同時間出跳，備戰特別。
「太勝駒」阿民唔理愛駒
奧爾民騎功好唔好見仁見智，不過夠勤力肯定之事，亦因為如此，吸引不少練馬師支持，就連向來少合作的廖康銘，周日都揾佢跑「太勝駒」。阿民不敢怠慢，昨朝五點半到場即替此駒出跳，更特別當時其愛駒「幸運派彩」在大圈踱步，阿民卻寧願為「太勝駒」出試。
奧爾民昨朝五點半到場即替 「太勝駒」(圖) 出跳，更特別當時其愛駒「幸運派彩」在大圈踱步，阿民卻寧願為「太勝駒」出試。
成哥潘頓阿民傾兩駒
講開奧爾民，接住之後試的「開心老友」亦有睇頭，此駒同「熾烈神駒」進行拍跳，鞍上人是潘頓，也是潘頓的首匹出操馬。只見沈集成緊張不已，出跳時走上烽火台頂樓督操，睇完之後就走去機坪接馬，繼而捉住阿民同潘頓傾談，三人足足傾了三、四分鐘，過程相當肉緊。
最Hit
