內圈捕影│「豐辰」落腳輕巧
更新時間：15:47 2025-09-07 HKT
發佈時間：15:47 2025-09-07 HKT
發佈時間：15:47 2025-09-07 HKT
字體大小
今朝內圈尚算熱鬧，亦有不少勇馬，現將操練報導如下。
「豐辰」助手踱一圈，愈見收斂汗濕唔多，跑姿順暢落腳輕巧，馬身亦收得靚，持續進步表現出色。「仁仁有餘」助手踱一圈，情緒安穩好專注，以輕鬆姿態完成，步挺貫注力足，馬身收壯外觀省鏡。
「超強六十」助手踱一圈，一貫急口，沿途捉到實心火旺盛，谷起雞公頸好醒神，身光頸靚上佳水準。「龍文鞭影」助手踱一圈，馬身好靚好粗壯，走來神態軒昂，跨步開揚彈力十足，如日方中星味十足。
「木火龍駒」助手踱一圈，試來精神爽利，步順輕快力度唔差，馬身壯健毛色亦靚，埋門上火上力。「天外迎天」助手踱一圈，雙耳烔烔目光銳利，神生步爽充滿朝氣，毛色油潤悅目，操足蓄勢待發。
北海盜步挺開揚
「北海盜」神態對辦，保養唔差觀感極佳。
「北海盜」助手踱一圈，淡淡定有朝氣，走勢硬朗步挺開揚，馬身札實神態對辦，保養唔差觀感極佳。「天火同人」助手踱一圈，步挺爽勁精神爽利，馬身壯得不得了，毛色油潤展現光澤，不遜贏馬時候。
「紅海勁」助手踱一圈，唔再搶口試來神閒氣定，跑姿順暢落腳輕巧，灰馬身收靚，力度好充足。「騰龍四海」助手踱一圈，毛色立立令，馬身壯全身肌肉，步挺順暢力度充沛，仍具勇態朝氣勃勃。
謝鋒
