晨光追擊│「鴻圖新星」步伐穩健
更新時間：15:38 2025-09-07 HKT
發佈時間：15:38 2025-09-07 HKT
發佈時間：15:38 2025-09-07 HKT
字體大小
雖然是周日晨課，但今朝出跳馬不少，大多周三參戰馬都做試跑，現將操練過程報導如下。
「亞機拉」戴頭罩由鍾易禮跳兩段，姿態輕鬆用力唔多，身壯有條線美，神態亦對辦。「東來欣賞」由助手跳兩段，快慢由人，末段加速衝刺甚勁，身靚薄皮已在勇境。
「鴻圖新星」助手跳兩段，步伐穩健勁度充足，神色火氣都唔差，具備爭勝水準。「勁好運」廖康銘跳三段，戴面箍，馬身壯碩，眼神炯亮好醒，翻步急密彈力又夠。
「華美之威」助手跳兩段，含枚俯首神情專注，落腳勁力貫注，身收靚無贅肉。「開心五月」戴頭罩由鍾易禮跳兩段，落腳爽又夠主動，充滿了朝氣，神采奕奕上佳水準。
「穿雲達月」戴眼罩由助手拍「贏得爽」跳兩段，拍住衝好勁，前腳開得闊，後腿推動力強，精神爽利。「勇霸龍」助手跳一段，外觀好睇唔在講，整個過程充滿動感，神生步爽。
「一生好彩」助手跳三段，刻意快開唔懶，肉身馬夠輕身，朝氣勃勃予人好感。「奔妙星」戴頭罩由助手跳一段，按住慢試尚算聽話，大馬身收靚，步爽力充裕好醒神。
「有心意」戴頭罩由助手跳兩段，以均速完成，身脹卜卜，落腳穩力貫注，觀感不俗。「至尊瑰寶」戴頭罩由助手跳兩段，全程緊韁扣實，落腳整齊有彈力，馬身好靚好實淨。
納百川神閒氣定
「納百川」落腳輕巧順暢，身已收好呈線條美。
「納百川」戴頭罩由助手跳兩段，神閒氣定不徐不疾，落腳輕巧順暢，身已收好呈線條美。「雷神太保」助手跳一段，步履輕盈有火有力，馬身札實，毛色油潤有光澤。
「維港激流」戴頭罩由助手跳兩段，出腳流暢力度充足，保持住鋼條身型，唔覺瘦，神色甚佳。
兆文
