晨光追擊│「極速之子」表現主動
更新時間：17:15 2025-08-26 HKT
發佈時間：17:15 2025-08-26 HKT
發佈時間：17:15 2025-08-26 HKT
字體大小
今朝出跳馬尚算不少，焦點所在是英國騎師金誠剛復課，除了操馬並參與試閘，現將操練報導過程如下。
「時時精準」戴頭罩由潘頓跳兩段，健步如飛充滿朝氣，馬身已做得好靚，好整以暇。「雙星報喜」戴頭罩由田泰安跳兩段，大舊飯有少少論盡，力度則愈見增強，有進展。
「極速之子」戴頭罩由金誠剛跳兩段，腳法唔靚但跳得勁，表現主動現鬥心，外觀亦唔錯。「包裝天將」戴頭罩由助手跳兩段，長韁按住輕鬆，細馬身夠實淨，神態亦理想。
「日頌月讚」奧爾民拍伴跳馬跳兩段，拍住肯走步挺硬朗，神色無咁淡，有點轉機。「火焰閃爍」戴頭罩由田泰安跳兩段，勁之餘唔心急，勇熟程度再進一步，出腳又夠爽。
「超風速」戴頭罩由希威森跳兩段，神閒氣定輕鬆完成，馬身養得頗飽滿，轉倉觀感好。「彩虹七色」戴眼罩及頭罩由何澤堯拍跳兩段，仍舊有啲唔規矩多次轉腳，然而充滿勁力，尚算不差。
「全神貫注」戴頭罩由金誠剛跳兩段，一貫豎尾走，有股蠻勁神態活躍，觀感甚佳。「金鑽貴人」戴頭罩由梁家俊跳兩段，淡淡定快慢由人，身壯毛色潤澤，但氣勢可更好。
「嘉應威風」拍「幸運同行」跳兩段，同樣助手，前駒行先肯走，毛色油潤好睇，跑姿則一貫不太吸引，後駒戴眼罩及頭罩，慣例順跟有啲懶性，力度可以，馬身夠札實。「特別美麗」戴頭罩由田泰安跳兩段，晨操之星唔會跳得差，吸引是轉倉後馬身甚粗壯。
華夏俊馬進度極佳
「華夏俊馬」比前更放鬆更識留力，出腳夠咬地。
「華夏俊馬」戴頭罩由希威森跳兩段，比前更放鬆更識留力，出腳夠咬地，進度極佳。
兆文
最Hit
馬會支持「共創明『Teen』計劃」四川學習交流團
11小時前
永東巴士跨境直通巴優惠！$18來往香港/深圳 設多個上車點 直達大型商場
2025-08-25 11:41 HKT
全港6成自置物業已供滿 贖契後必須妥善保存 有業主寧願再加按｜曹德明
2025-08-25 06:00 HKT