晨光追擊│「勝多多」贏馬開齋

晨操動態

更新時間：16:26 2025-06-27 HKT
發佈時間：16:26 2025-06-27 HKT

韋達今季長期處於捱打局面，不過支持眾多，兵力充沛，馬匹在評分調整之下，形勢變得有利，亦因此近期成績顯著轉好，踏入六月甚至在盲門田草取得兩W，足見近期攻勢如何凌厲。

勝多多五班佔優

「勝多多」一月初與「康樂高球」串Q，僅負不足一個馬位，後駒再出五仗獲四冠一亞。

第二場第五班一二○○米草地：「勝多多」上季尾已由丁廄轉投韋廄，至今十二戰取四亞一季兩殿，一月初與「康樂高球」串Q，僅負不足一個馬位，後駒再出五仗獲四冠一亞，現時評分已升至九十六分，而該仗季軍「天下寵兒」之後獲一冠三亞一季，攞住此場賽績，「勝多多」落到五班自然大賺。

上仗「勝多多」落班用布文，被捧到二十四蚊唔過分，可是遇上超輕磅的「紅海風帆」，加上當日跑道大利前置，縱跑出最佳水準也只得亞軍。然而睇番差不多同步衝線的「謙謙君子」，剛周三表現持續見好，呢席亞軍絕對唔失禮。

「勝多多」今次繼續在五班上陣佔優勢，因希威森在養傷中，改配有五磅減的黃智弘，有力贏馬開齋。

皇龍飛將有力再贏

「皇龍飛將」搵到同程最佳出路，有力再贏。

第十場第三班一六五○米泥地：「皇龍飛將」上季尾初出立即受到熱捧，雖然只跑第四，但只輸四分三馬位，然而今季首三仗每戰都改動配備，明顯仍有不足，故該駒三戰草地全部無影。第四仗開始改攻泥地追勢不俗，已顯示泥地性能極佳，果然之後兩戰繼續跑泥地千二都能交出頭馬。

「皇龍飛將」越贏越有勢，在542場初跑三班持續神勇，力戰僅敗，然而之後兩戰泥地千二，同樣前速偏慢，以致留得極後並姍姍來遲，於是上仗練者安排大幅增程，效果顯著順利跟番前，繼而爆出強勁衝刺壓倒廄侶「超加加」，而季軍「精英雄心」跟手更在二班賽補中。「皇龍飛將」三度建功盡顯星味，仲要搵到同程最佳出路，有力再贏。

兆文

↓立即下載星島頭條App↓