晨光追擊│「扶搖勢勁」泥地悍將

晨操動態

更新時間：15:00 2025-05-17 HKT
發佈時間：15:00 2025-05-17 HKT

今季泥地跑了七十三場賽事，有三個練馬師仍未贏過，比較意外是上屆冠軍呂健威在其中，而贏得最多是八W的羅富全，至於姚本輝、希斯及方嘉柏同獲七W緊隨其後，其中姚本輝勝出率更是眾人之冠。

扶搖勢勁非池中物

「扶搖勢勁」四班唔會留得住。

第三場第四班一二○○米泥地：「扶搖勢勁」乃「遙遠星空」子嗣，姚本輝當然最熟悉不過，因為「遨遊氣泡」正是出自此系，另外同父廄侶「魅影獵飛」更歷來六捷全在泥地，難怪「扶搖勢勁」初出安排泥地千二上陣。

事實上，「扶搖勢勁」在從化試泥閘時已見表現出色，結果上仗捧到三十五蚊充滿信心下，於金誠剛誇下一擊即中。該仗「扶搖勢勁」快閘跟守好位，入直路加速即拋甩對手輕勝，更誇張跑出一分八秒二七，比起同晚三班頭馬「德心知遇」一分八秒一五只慢少少，而後駒再出再贏。

一場勝仗已肯定「扶搖勢勁」非池中之物，將會是一匹泥地悍將，四班唔會留得住，四月二十日報名只做後備一，相對地有更足夠時間備戰，對於質新馬來說更是好事。

實力哥體力充沛

「實力哥」狀態不斷冒升，值得追捧。

第七場第三班一二○○米泥地：「實力哥」上季尾開竅，於泥地千二打開在港勝利大門，贏馬後再跑同程四次，悉數殺入前四名，演出轉向穩定可靠。此駒因一對前腳輪流受傷，以致今季遲遲才復出，難得前仗唞近一年重返戰線，狀態顯然未十足，結果仍追回亞軍，黃智弘沿途攞位無犯錯，只是頭馬「加州星馳」博位成功，慳了腳程才衝贏。上仗「實力哥」再遇「加州星馳」，後駒漏閘表現失準，「實力哥」則交出近仗前仗一樣的走位，結果交出強勁衝贏馬，且姿態甚輕鬆。

偏向慢熱的「實力哥」，來到此際才踏上最佳時候，季內僅兩仗體力充沛，睇埋最近試閘後上甚勁，狀態不斷冒升，值得追捧。

兆文

↓立即下載星島頭條App↓