晨光追擊│「久久為尊」走勢硬朗
更新時間：15:00 2025-05-16 HKT
發佈時間：15:00 2025-05-16 HKT
發佈時間：15:00 2025-05-16 HKT
字體大小
由於大多參戰馬已做最後試跑，故此今朝出跳馬不算多，當然勇馬亦偏少，現將操練報導過程如下。
「久久為尊」戴頭罩由艾兆禮跳一段，扣住而馳心火湧現，走勢硬朗力度充裕，馬身又喼得靚。「勝在有型」蔡明紹跳兩段，戴鼻箍，紹仔親試規矩得多，無再岳頭岳腦，不過仍說不上勇銳。
「花香月明」戴頭罩由助手跳兩段，汗濕減少，比前試得淡定，馬身愈見札實，觀感勝前。「最好玩」戴頭罩由助手跳一段，按住順走尚算輕鬆，身亦夠粗壯，但神色有點淡。
「東方飛影」戴頭罩由助手跳一段，按住慢試神采奕奕，馬身靚毛色悅目，老當益壯保養得好。「榮利雙收」戴頭罩由奧爾民跳一段，馬身仲係肥肥哋，毛色亦唔靚，神態平淡進度未得。
「奇異歡星」戴眼罩及頭罩由助手跳兩段，馬身收得壯，不過力水一般，且展前腳騰空時間好耐。「飛越星空」戴頭罩由黃智弘跳兩段，外觀唔錯，落腳整齊有力，懶性已減，冒起之中。
「夢幻駿駒」戴頭罩由助手跳三段，試來精神爽利，翻步急密有彈力，火氣唔錯上佳水準。「龍又生」董明朗跳兩段，戴頭罩及鼻箍，帶點均速但過步暢順，可是力度未足夠，外觀也無太大變化。
講番周四出戰馬畀大家參考。
「笑喜喜」戴頭罩由助手跳一段，清風送爽走過好似唔駛用力，勝後更進一步。「魅力星」助手跳兩段，神情專注表現淡定，前所未見吸引大有進展。
南區旺神生步爽
「南區旺」聚精會神唔再郁身郁勢，弗到漏油。
「南區旺」戴頭罩由助手跳兩段，聚精會神唔再郁身郁勢，神生步爽弗到漏油。「大浪圖田」戴頭罩由助手跳兩段，墜手起勁暗火湧現，身壯色潤外觀亦省鏡。
「營造組裝」戴頭罩由希威森跳兩段，鬆韁刻意快開，愚魯馬反應好正值勇境。「智跑得」戴頭罩由助手跳兩段，外觀好靚馬身脹卜卜，神態活躍極具好感。
兆文
最Hit
前TVB「炒樓綠葉王」過億身家都畀仔嫌棄 曾與老公兒子長期分居：兩個仔當初好唔鍾意媽咪
2025-05-17 14:09 HKT
中港澳三地共用儲值電話卡！ 1卡2號數據不設使用限期 可免翻牆使用WhatsApp/Facebook 激活即送10GB數據！
2025-05-17 11:00 HKT
港鐵九龍塘站疑似搬屋畫面震撼網民 手推車滿載堆成山 乘客一人一架咁樣上車｜Juicy叮
2025-05-17 13:07 HKT
