沙田早晨│奧爾民落足心機為一駒
更新時間：15:00 2025-05-08 HKT
發佈時間：15:00 2025-05-08 HKT
發佈時間：15:00 2025-05-08 HKT
字體大小
奧爾民志切在港長久發展，晨課表現格外積極，好似今朝又成為第一個出現的外籍騎師，五點四十七分現身試呂廄「龍之輝」。事實上阿民今課用咗唔少心機，全程扯大纜緊韁捉實，同時顯示此馬火氣極之充沛，當然之後空檔時段，阿民亦走到烽火台搵呂健威傾大計。
阿民今課試「龍之輝」(圖) 用咗唔少心機，全程扯大纜緊韁捉實，同時顯示馬兒火氣極之充沛。
「天天同樂」全哥一腳踢
羅富全手風甚順，剛戰又爆隻「瑪瑙」，目前已贏到四十場，坐穩練馬師三哥位置。馬圈向來跟紅頂白，殺得性起固然要追捧，況且「天天同樂」今朝出跳相當吸引，課前全哥已跟住此駒由馬房行出來，及後出跳時候走上烽火台督操，去到最後再接馬並護送返馬房。
「天天同樂」(圖) 今朝出跳相當吸引，課前全哥已跟住此駒由馬房行出來，及後出跳時候走上烽火台督操，去到最後再接馬並護送返馬房。
