晨光追擊│「錶之量子」可啟勝門

晨操動態

更新時間：15:30 2025-05-06 HKT
發佈時間：15:30 2025-05-06 HKT

伍鵬志今季戰績下滑不少，但考慮到上季兵力用盡八九，需要回氣乃理所當然之事。由於伍廄新馬相當之多，加上不少舊馬評分亦告回順，更重要練者功力深厚，預期季尾有望回復強勢，將會再次交出佳績。

幸運同行狀態到位

「幸運同行」繼續孭住輕磅好跑，爭勝機會樂觀。

第三場第四班二二○○米：「幸運同行」在外地六戰一勝，贏馬一役是跑軟地，來港之後此駒上季至今共十四次上陣，暫時仍未有頭馬進帳，而且上名也只得一次。其實「幸運同行」在421場初跑泥地千八一役，於直路曾越追越勁，尤其該仗早段發生墮馬事件，「幸運同行」因而受到「錢多多」擠逼而須收慢，並在前中段步速極慢之下，本身沿途居包尾位置，形勢極之惡劣，最後卻仍收復極多失地，表現絕不簡單。

「幸運同行」前仗落五班跑田草二千追勢尚可，上仗跑番四班孭超輕磅，更於同程首度上名，確認狀態到位。蔡廄馬好開例好，今次當追得過，加上繼續孭住輕磅好跑，爭勝機會樂觀。

錶之量子重返三班

「錶之量子」同程過往一冠三亞一季皆在三班取得。

第八場第三班一六五○米：「錶之量子」今季首戰即扳上千八，唔再留後改為狂放，最終前四名馬匹皆在直路如飛殺上，尤其頭馬是廄侶「逐步贏」，不免令人懷疑本身屬副車性質。熱身一仗之後，再出用回留前鬥後的合適跑法，只不敵「勁速威龍」及「加州動員」，後兩駒之後均大放異彩。

「錶之量子」之後三仗悉數落敗，換來不斷減分，上仗得首度落四班，排埋一檔當然備受看好，梁家俊發揮無得挑剔了，沿途守好位，入直路也不慌不忙，可是步速太快跟前輸蝕，加上比起頭馬「領航天子」多負三磅，飲恨輸個馬鼻。「錶之量子」過往一冠三亞一季在三班取得，重返三班未落下風，季內僅跑六仗，體力充沛亦是最強武器，今仗有力打開勝利之門。

兆文

↓立即下載星島頭條App↓