晨光追擊│「快路」谷草新出路
更新時間：15:06 2025-03-11 HKT
發佈時間：15:06 2025-03-11 HKT
發佈時間：15:06 2025-03-11 HKT
字體大小
告東尼已好耐無衝擊過練馬師冠軍，不過其成績一向保持穩定，而且每季獎金過億，可是隨着「加州星球」退化，馬房在大賽戰績滑落，同時今季整體成績亦不太好，決意追落後下半季必全力搶攻。
天足貓動態積極
「天足貓」上季轉投巫偉傑馬房共得四W。
第七場第三班一二○○米：「天足貓」曾在四個馬房受訓，而且每一次轉倉都係有故事性，來港時此駒在苗禮德馬房，出賽八次最叻僅一仗跑第三名，於是翌季轉倉支持新開倉的伍鵬志。後者接手後，「天足貓」的表現突飛猛進，一季取得三捷且次次分頭不俗，而去到該季尾，幕後刻意轉投何廄支持練者護級，可是轉倉後兩戰名次全為雙位數。
何良散倉，上季幕後就支持新開倉的巫偉傑，一贏就係四W，來到今季，巫廄大爆發，但「天足貓」遲遲未勝，然而隨時減分已多，大前仗及前仗反彈入位，就算上仗只跑第五，當晚不利搶放輸在形勢。今次賽前上從化，是加盟巫廄第一次，動態既積極，仲要對手弱得多，追得過。
快路爆發力嚇人
「快路」初跑千八已大贏個半馬位。
第九場第三班一八○○米：「快路」上名不多卻三度建功，屬一係就贏晒，一係輸晒的賽駒，有此之故因為此駒跑法被動，常常受制於慢步速，然而遇上了快步速便勁到飛起，上季兩勝末段爆發力嚇人，故此之後香港經典盃也有不少票數支持。未跑上仗之前，今季的「快路」苦戰多仗只交出一席亞軍，然而無一次輸得遠，仲要這些賽事同樣步速不快。
「快路」在陣上表現不差仲要得到減分之利，上仗變身贏馬並唔意外，驚喜是一直跑開田草千六，初跑谷草千八贏馬之餘，仲要配湯普新落重飛得手。事後看，落飛黨是看準該仗步速夠快有利「快路」追趕，但初跑千八有本事贏夠個半馬位，不排除根本是一匹谷草能手，現時才搵到最佳出路。
兆文
最Hit
