內圈捕影│「翠湖烈風」踏上正軌
更新時間：15:57 2025-02-22 HKT
發佈時間：15:57 2025-02-22 HKT
發佈時間：15:57 2025-02-22 HKT
字體大小
差不多全部參戰馬今朝都到內圈出試，精彩鏡頭一個接一個。
「翠湖烈風」助手踱一圈，小心按實順走，身色俱吸引，運步輕爽力度亦夠，躁火全消，踏上正軌。「同祥和順」助手踱一圈，輕描淡寫完成，試來神態自若，馬身收得好靚，出腳力度充足，狀態已操好。
「南區之星」助手踱一圈，快慢由人表現乖巧，馬身一早收壯，出腳輕巧力度唔錯，進度極之對辦。「前衛火影」助手踱一圈，出腳輕快彈力足夠，馬身靚好實淨，毛色油潤唔再淡色，早熟馬極速入局。
「魅影戈飛」助手踱一圈，力度一課比一課增強，馬身亦收得靚，走勢爽朗表現淡定，成熟程度理想。「手機錶霸」助手踱一圈，步活如輪神采奕奕，力度充足暗火湧現，身靚外觀吸引，仍勇保持銳利。
遨遊氣泡步挺力勁
「遨遊氣泡」神采飛揚展現氣勢。
「架勢奇爸」助手踱一圈，毛色立令烏卒卒，馬身壯全身肌肉，步挺順暢力度充沛，新勝馬勇況保持。「遨遊氣泡」助手踱一圈，仍舊剪了毛色好淡，馬身收得結實，走勢硬朗步挺力勁，神采飛揚展現氣勢。
「非凡達」巫顯東踱一圈，步伐穩健力度唔錯，馬身一直做得好靚，神態對辦又有暗火，未見走樣。「爭金奪冠」助手踱一圈，從容完成整個過程，出腳爽勁貫注力足，雙目有神身靚色潤，不遜贏馬時。
謝鋒
最Hit
