內圈捕影│ 「齊歡最樂」精神爽利
更新時間：16:19 2025-01-14 HKT
發佈時間：16:19 2025-01-14 HKT
發佈時間：16:19 2025-01-14 HKT
字體大小
大多參戰馬今朝都到內圈出試，場面熱鬧，當中甚多精彩鏡頭。
「齊歡最樂」助手踱兩圈，唔再懶試來精神爽利，步順輕快有彈力，馬身越見實淨，確認踏上正軌。「小飛俠」助手踱一圈，神閒氣定愈見放鬆，跑姿順暢落腳輕巧，雙目有神，充滿朝氣勇況冒升。
「相映紅」黃智弘踱兩圈，氣宇軒昂試來夠淡定，出腳步大有勁，馬身收得更靚更結實，毛色油潤悅目，朝氣勃勃，鋒芒畢露。「天天同樂」助手踱一圈，沿途捉到實心火湧現，弓起雞公頸神態生猛，馬身壯到不得了，近況托弗。
「知道長勝」助手踱一圈，全程岳高頭走好神氣，馬身仍壯毛色又靚，而且力度再增強，上佳水準。「銀刺勇士」助手踱兩圈，越來越放鬆，唔再岳頭及郁身郁勢，馬身收得靚，出腳力度充足，走勢爽朗有勁。
「北地烈馬」助手踱一圈，一貫有啲急，小心按實順住走，身色俱見吸引步挺力勁，雙目有神佳態洋溢。「我做到」助手踱兩圈，馬身好靚好粗壯，走來神態軒昂，跨步開揚力度貫注，一直見好毫無疲態。
得道猴王暗火展現
「得道猴王」力度依然充沛，神態活躍。
「得道猴王」鍾易禮踱一圈，力度依然充沛，馬身好壯好飽滿，毛色亮到發光，暗火展現神態活躍。「金佰令」助手踱一圈，步伐穩健力度充沛，馬身依舊咁靚，神色活躍火氣保持，最近拍跳表現又好。
謝鋒
最Hit
