晨光追擊│「川河動駒」渾身是勁
更新時間：16:15 2024-05-06
發佈時間：16:15 2024-05-06
發佈時間：16:15 2024-05-06
字體大小
由於周日出跳馬甚少，故此今朝好多參戰馬進行試跑，自己不乏勇馬及精彩鏡頭。現將所見報道如下：
「勇威神駒」鍾易禮拍「燊宜之星」草閘跳兩段，拍住走唔急唔搶，馬身飽滿毛色有光澤，重拾勇態。「必先生」艾道拿草地跳兩段，走得快無搶口，出腳姿態比以前好。
「川河動駒」鍾易禮草地跳兩段，渾身是勁氣勢正盛，馬身靚得交關，予人一見傾心之感。「亞洲力量」戴頭罩由助手跳兩段，出腳力度保持強勁，毛色一貫好睇，近況理想。
「精準快車」戴頭罩由助手跳兩段，一貫搶口走得急勁，身壯有肌肉，神態對辦。「旋風飛颺」戴頭罩由助手跳兩段，出腳輕快有力，馬身收得實淨，外觀引人。
「紅鬃烈馬」賀銘年跳兩段，戴面箍，試來精神爽利，仲要火氣唔錯，老當益壯。「勇創派對」戴頭罩由助手跳兩段，落腳輕快力度不弱，神態回旺，轉倉效果理想。
「躡景追飛」戴頭罩由助手跳兩段，輕鬆走過步挺輕巧，灰馬身壯毛色靚，新勝馬銳氣正盛。「獎星」戴頭罩由巴度跳兩段，放鬆得緊要，步闊力充足，毛色金光閃閃，外觀夠晒省鏡。
飛騰騅朝氣旺盛
「飛騰騅」戴頭罩由助手跳三段，贏開特別醒神，擔高頭走朝氣旺盛，外觀更靚到無得挑剔。「劍山鋒」戴頭罩由梁家俊跳兩段，試來十分專注，展步開揚有勁，觀感勝前。
「飛騰騅」擔高頭走朝氣旺盛，外觀更靚到無得挑剔。
「極速之星」助手跳兩段，文靜馬罕見有火短韁扣實，雙目有神呈現朝氣。「生生勝利」潘明輝跳兩段，無上課拍跳咁急，馬身已收靚，進度唔錯。
「無敵精英」戴眼罩及頭罩由助手跳兩段，豎尾走但無分心，反之越走越勁，神態生猛。「九秒九」戴頭罩由黃智弘跳三段，馬身收得好靚，狀態長期呈勇。「智勝龍」戴頭罩由助手跳一段，步伐順暢彈力足，有爭勝水準。
兆文
緊貼最新最快新聞資訊，請立即下載星島頭條App：https://bit.ly/3Q29Vow
最Hit
