晨光追擊│「譽滿杜拜」神態軒昂
更新時間：16:14 2024-04-26
發佈時間：16:14 2024-04-26
發佈時間：16:14 2024-04-26
字體大小
今朝仍有不少參戰馬出跳，包括三匹外隊馬，而希、賀廄更大舉練兵。
「消暑樂祭」戴頭罩由助手跳一段，慢試輕鬆完成，擔高頭走精神爽利，出腳利落輕巧，狀態大勇。
「增強」助手跳兩段，灑開大步衝刺，雙目有神威風凜凜，勇熟程度再進一步。「風雲武士」戴頭罩由助手跳一段，神閒氣定唔急唔搶，出腳步大力足，唞夠操勇依然吸引。
「堅信」助手草地跳兩段，外觀無睇落問題，出腳輕快力度亦不俗，但卻差點氣勢，狀態一般。「金德義」巴度跳兩段，馬身靚唔在講，且試來充滿勁度，躍躍欲試好火好力，狀態前所未見吸引。
賢者無敵落腳爽勁
「賢者無敵」戴頭罩由助手跳兩段，從容不逼唔急唔搶，落腳爽勁，馬身更靚到無得挑剔。「樂天派」戴頭罩由希威森跳三段，神態非差力度不弱，近戰水準上落不大。
「賢者無敵」戴頭罩由助手跳兩段，從容不逼唔急唔搶，落腳爽勁，馬身更靚到無得挑剔。
「譽滿杜拜」助手草地跳兩段，神態軒昂充滿朝氣，火力不斷冒升，極速適應水土。「佳運財」戴頭罩由楊明綸跳一段，扣住順走火力普通，勁勢唔太夠，仍未去番最佳時。
「水龍頭」艾道拿跳兩段，少許急口但無擰頭擰髻，情緒不斷轉好，馬身收得實淨。「威力奔騰」戴頭罩由助手跳兩段，試來平平穩穩，步伐順暢有彈力，馬身收得好壯，狀態長期呈勇無低落。
「球星」戴頭罩由助手跳一段，一貫搶口難操控，論態保持有餘，馬身結實粗壯，朝氣勃勃。「朗日雪峰」助手跳兩段，缺點見未改善，一貫岳高頭及伸長馬頸，出腳力度亦平平，狀態只屬一般。
兆文
緊貼最新最快新聞資訊，請立即下載星島頭條App：https://bit.ly/3Q29Vow
最Hit
東張西望丨網上瘋傳何太三大背景！疑三度結婚 傳避走內地狂呻被抹黑
2024-05-08 23:00
北角餐廳貼告示八達通付款要收手續費 $70以上加收1.5%！ 網民：違反八達通使用守則
2024-05-08 19:15
