星級大搜查丨娛圈多騙案苦主？何沛珈被呃手袋怕失禮唔「報東張」 郭柏妍自爆被騙感情
發佈時間：11:00 2026-09-21 HKT
近年騙案手法層出不窮，原來不少圈中藝人都曾不慎中招！今集《星級大搜查》就來訪問明星們的受騙經歷！周吉佩與何沛珈都在網上遇到騙子，周吉佩自爆為修理裝滿珍貴相片的Hard Disk而在網上遇騙：「我冇諗過自己會真係……都『老貓燒鬚』真係。可能因為心急，我就冇理到，就問佢幾錢整返，佢話大概幾千蚊啦！即刻就過數俾佢，一路都冇人上嚟收……好明顯係騙案啦……我亦為呢件事我報咗警嘅。」
何沛珈怕失禮受騙冇報東張
「東張女神」何沛珈亦曾因網上放售手袋而遇上支票黨：「佢就俾平時嘅市價多一千蚊倒，唔算好多，所以我都覺得好似都幾正常喎。我出到嚟啦，我就睇返自己個銀行嘅結餘，哦，又真係收到多咗錢喎。之後，我俾咗個袋佢啦！點知我第二日我再 check 我個銀行嘅結餘嘅時候呢，就發現冇咗嗰筆錢。」原來對方用「空頭支票」過數給何沛珈，因此即使未成功過數，網上銀行亦會顯示有這宗交易，但由於「彈票」，最終交易不成功。何沛珈說：「最後我要報警處理。就冇報東張嘅，因為都失禮嘅。」
相關閱讀：星級大搜查丨群星消暑妙法大公開！MIRROR係最抗熱男團？ 張繼聰佛系散熱：心靜自然涼
郭柏妍網購隱形眼鏡 賣家「消失」
此外，郭柏妍網購隱形眼鏡付款後對方即刪除帳號，她苦笑指：「佢消失咗，冇寄返啲貨畀我囉。佢呃咗我等佢嘅感情。錢就……算啦，當買個教訓囉。都幾好嘅，係囉，難得啊，幾可會畀人咁樣呃。」
而王菀之則大呻曾遇工作「騙案」，接job後發現實際工作內容與合約不符，直言：「都幾唔愉快嘅嗰個經歷。損失就係之後要處理好多法律上文件嘅一啲時間、金錢，同埋都會有啲客戶之間嘅信譽呀咁樣囉！」
相關閱讀：星級大搜查丨藝人爆笑口誤大揭秘 宣萱捉姦對白變有味笑話 TVB女星因「交配」論嚇到飆汗
Marf不知情下幫人交租半年
亦有受訪的藝人分享，自己曾因「擺烏龍」或太易信人而「被騙」。Marf邱彥筒自爆曾為朋友墊支租金卻懵然不知：「過咗半年之後，我發現原來我一直都幫人交緊租，但我唔知道，我就覺得有少少被騙嘅感覺。」幸好最後成功收回款項。陳曉華就笑言最常被朋友「呃承諾」，她舉例說：「例如我可能有個朋友應承咗我星期日出街嘅，咁我就會以為我哋星期日要全日都會黐埋一齊啦，係咪？點知原來佢expect我哋晏晝出街嘅，咁我嗰陣就會好傷心 因為我覺得佢特登甩我底啦夜晚，但其實唔係……而家大個女呢，就會發現原來自己都理解能力係有啲問題，有啲嘢要問清楚囉！」
而姚焯菲（Chantel）的受騙經歷則最為窩心，她回憶15歲生日時被蒙眼帶走，同事、家人與歌迷為她製造生日驚喜：「成件事原來係好有計劃，我嘅fans club……非常非常之厲害。但嗰一次就係被人欺騙咗。」
相關閱讀：星級大搜查丨解構明星旅遊新趨勢！越南勢成星級熱點？ MC自爆「唔睇預算」 阿Sa封外遊最豪爽
劉佩玥王嘉慧險交出個人資料
不少藝人亦曾與騙徒擦身而過，險些破財。劉佩玥曾接獲速遞催繳費用的詐騙電話，更差點交出個人資料：「去到一個位佢問我身份證喇！突然之間我就『叮』！醒咗。仲有半步就踩入陷阱度。」同樣遇上假速遞的阮浩棕，收到附有取件碼的釣魚短訊，及曾致電給假的服務熱線，幸好察覺不妥即時cut線。王嘉慧則收到幾可亂真的假運動品牌Sponsor電郵，心動險些交出個人資料前，向品牌官方IG求證才驚覺是騙局。吳偉豪亦曾收到好友母親遭駭客入侵的借錢訊息，機警的他即時詢問好友識穿騙局，並截圖回覆騙徒：「我過咗一百萬」，以此反擊整蠱對方。
相關閱讀：星級大搜查｜明星「慳家開冷氣大法」逐個睇！ BabyJohn電費從未過千 專家教四招慳電大法
明星家人、好友亦成為騙徒目標
藝人自己識避，但家人朋友卻往往成為騙徒目標。江嘉敏在內地工作失聯一日，母親即收到綁架勒索電話，幸好及時聯絡上才沒有匯錢。柯煒林的嫲嫲亦收到冒充他的詐騙電話，幸好嫲嫲夠精明親自打給他求證。梁祖堯則分享，有長輩朋友曾遇上網上情緣騙案，被假冒法國飛機師呃錢。面對AI語音等新型騙案，周家怡透露朋友母親曾被假女婿騙去數萬元保釋金，她強烈建議大家與家人設立防騙暗號：「譬如你同你啲屋企人set一個暗號，總之有啲咩借錢，你第一句就叫佢俾暗號你，佢噏得出個暗號先好信囉。」
相關閱讀：星級大搜查丨明星患「另類強逼症」？ Anson Lo狂用濕紙巾 ViuTV女神唔着襪瞓唔著
