蔡天鳳碎屍案|鄺球稱翌日才決定分屍 當晚長子見到刀上紅色液體是紅蘿蔔汁
發佈時間:16:22 2026-11-18 HKT
28歲名媛蔡天鳳(Abby Choi)2023年2月疑遭殺害後肢解烹屍,蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第40日審訊,鄺球在盤問下確認,案發翌日切割蔡天鳳,其後將其殘骸扔到垃圾站。控方關注,鄺港傑在浴室發現刀具上有血跡時,鄺球反指刀具「係用嚟切青紅蘿蔔....可能係紅蘿蔔啲色水嚟㗎,佢自己以為係啲血跡啦」。
鄺球指翌日才決定分屍
控方盤問下提到,在2023年2月21日下午,鄺球將蔡天鳳放入膠箱搬屍入屋後,兩子離開,他何時決定將蔡天鳳分屍,鄺球答「唔係嗰刻㗎」,決定分屍是「第日嘅事喇」。郭莎樂追問,那麼鄰居當日聽到的圓鋸聲及聞到的湯味不是來自其單位,鄺球答「唔係,冇嘢發生呀嗰晚」。鄺港傑原安坐被告欄內,談及分屍期間雙手按額。
指鄺港傑誤會刀上血跡實是紅蘿蔔汁
主控資深大律師郭莎樂關注,在兩子離開龍尾村單位後,直到鄺港傑當晚再度折返單位前,鄺球在單位做過什麽,鄺球回應「無嘢發生呀嗰晚」。在鄺港傑回到單位後,他繼續「諗下點樣去處理」。郭莎樂提及,鄺港傑在浴室發現刀具上有血跡,鄺球究竟使用刀具做了什麽,他回應「用啲刀嚟做咩?等我諗一諗先」,隨後指刀具「係用嚟切青紅蘿蔔」。郭莎樂表示,刀上有血跡,他回應「我唔知係咪hi到啲血呢,我唔知到」,並指單位客廳有血跡,其後又指刀具上的「可能係紅蘿蔔啲色水嚟㗎,佢自己以為係啲血跡啦」,郭莎樂問是否紅蘿蔔汁時,他指「可以咁講啦」,他另不知道浴室企缸有血跡。
相關新聞:
蔡天鳳碎屍案|鄺球認對蔡天鳳被肢解負全責 「我企喺度,對住個膠箱呆咗」
蔡天鳳碎屍案|鄺球稱為家中每人分配角色 蔡天鳳負責財政與鄺港智研究投資
蔡天鳳碎屍案|鄺球稱對兩子一視同仁 否認與鄺港智不和 曾為幼子還款600萬元
否認當晚烹煮蔡天鳳
鄺球提及,案發翌日才切割蔡天鳳。郭莎樂引述鄺港傑供詞,鄺港傑案發當晚已見鄺球手提水桶在厨房與睡房之間來回走動。鄺球回應「我唔記得咗」,惟否認當晚拿著蔡天鳳的殘骸到厨房烹煮。郭莎樂質疑,為何他要求鄺港傑清理浴室時穿上雨衣及水靴,鄺球表示「唔好整污糟啲衫褲吖嘛」。郭莎樂表示,若鄺港傑沒有份切割蔡天鳳,理應不會弄髒衣服,他回應「因為個屍體係現場吖嘛」,補充「如果經過個屍體,可能會感染到嗰啲血跡之類」,因此他提醒鄺港傑穿上雨衣及水靴清理浴室。
堅稱有付錢予蔡天鳳支付鄺家生活開支
郭莎樂質疑,鄺球提到他經常不在香港,惟出入境記錄顯示在2016年7月至2017年1月期間,他的出入境記錄僅有約78日不在香港,他同意。郭莎樂關注,蔡天鳳的金錢並非由鄺球提供,是她的家庭、她自己及譚家的金錢,鄺球回應「總之我付出咗嗰啲錢」予蔡天鳳「負責支付鄺家嗰啲生活費、開支」。
否認向地產經紀要求回佣
郭莎樂引述地產經紀證供指,鄺球要求地產經紀回佣,最後地產經紀分了690萬元佣金予他,鄺球否認指「無同佢傾呢啲野」,是蔡天鳳及鄺港智商討的,當時「Abby同Alex兩個話賣樓嗰度唔需要咁多錢」,並提及發展商有金錢回贈,提議將金錢轉回給他,因此透露地產經紀將回贈給予他。其後,蔡天鳳將買樓文件放在維港星岸的單位,要求他簽署文件,他強調「690萬係佢買完樓發展商回贈返畀業主㗎嘛」
稱為譚方駿解決欠賭債問題屬義務無收錢
鄺球同意譚方駿賭債合共500萬元,「為還債收譚家500萬呢就還返畀個債主囉,45萬係畀人處理呢單還債嘅事情嘅」,鄺球解釋45萬元中「30萬香港人幫手做嘢,另外15萬就係澳門人幫手做嘢」,自言「我義務幫佢㗎」。
否認向譚父借40萬結果只借到25萬
鄺球承認曾獲譚方駿父親提供25萬元,惟「唔知係咪算係借,佢問我『喂攞25萬去袋住先啦』」。鄺球否認因為銀行户口遭凍結,故向譚父借取40萬元,最終只得25萬元,「冇咁嘅事」。
稱當晚召長子折返陪伴但無討論處理屍體
被問到鄺港傑案發當日載住蔡天鳳屍體到龍尾村村屋時,可認為鄺港傑已經犯下錯誤,鄺球回應指「我冇諗嘢㗎當時,諗唔到任何嘢」。鄺球同意明知非法仍要求鄺港傑搬屍入屋,被問到因此會為鄺港傑帶來更多麻煩時,鄺球稍事停頓,「所以我咪承認咗第二條控罪嗰個罪責,係唔關我兩個仔事」。郭莎樂指如果要保護兒子,何以又要求鄺港傑折返龍尾村單位,鄺球答「想多個人陪我囉」,郭莎樂追問如此令人懷疑鄺港傑,鄺球答「所以我咪冇做任何嘢囉」。郭莎樂問當晚可曾與鄺港傑溝通過如何處理屍體,鄺球答「冇」,郭莎樂追問指沒有對話,鄺球答「係」。
稱忘記分屍「程序」只記得切割後「揼咗垃圾站」
郭莎樂問鄺球翌日才決定分屍烹煮,鄺球答「處理佢」。郭莎樂問鄺球如何將蔡天鳳切割烹煮,鄺球答「唔記得咯」,追問下補充「唔記得嗰啲程序囉」。郭莎樂問鄺球到底有何決定,鄺球答「揼咗佢囉,揼咗垃圾站囉」,郭莎樂追問棄置前如何處理,鄺球答「切割佢囉」,郭莎樂追問如何切割,鄺球答「唔記得喇」,郭莎樂指「切成一嚿嚿」,鄺球答「可以咁講」。郭莎樂再指是否將大腿骨肉分離,鄺球答「唔記得喇」,郭莎樂提議讓鄺球查看蔡天鳳雙腿殘肢相片,鄺球稱「冇所謂,攞來畀我睇囉」。
指當時精神狀況幾近崩潰「邊記得咁多嘢」
鄺球再次否認案發當日已經分肢,解釋當日棄置「青紅蘿蔔嗰啲囉」,郭莎樂引述鄺港傑供稱,案發當日及翌日鄺球先後指示其多次棄置垃圾袋到垃圾站,當中內有青紅蘿蔔及豬骨,鄺球答「可能係Abby啲骨頭啩」,然後追問下隨即改口指「唔係21(日),係第二日嘅時間去做」。郭莎樂問鄺球如何切割遺體,鄺球答「用刀囉」,郭莎樂追問用哪一把刀,鄺球答「我相信係嗰個牛肉刀」。郭莎樂問如何切割盆骨,鄺球答「唔記得喇,咁大件事,當時個精神狀況崩潰咗咁滯,邊記得咁多嘢」。
解釋買青紅蘿蔔為餵流浪貓狗
郭莎樂指鄺球按計劃分屍後用青紅蘿蔔煲湯再棄置,鄺球反駁「唔係計劃呀,見到乜嘢咪揼落去煲囉」。郭莎樂追問何以有青紅蘿蔔,鄺球解釋原打算「買咗啲青紅蘿蔔去餵龍尾村垃圾站嗰啲流浪貓狗」。郭莎樂質疑流浪貓狗只吃肉,鄺球反駁「見過佢哋食晒成包青紅蘿蔔」。
分割過程中有用砧板與電鋸
郭莎樂指當鄺球決定分屍時,想到上海街買來工具多有用,鄺球答「冇諗到」。郭莎樂指鄺球想到用牛肉刀切割大腿肉,鄺球答「冇諗過,係隨手攞起來就用」。郭莎樂再指鄺球用電鋸切開蔡天鳳脊椎,再用菜刀斬開肩胛骨割下手臂,鄺球答「唔記得」。郭莎樂指無人會忘記此等畫面,鄺球解釋「事實上真係唔記得,因為精神問題」。郭莎樂提到案中砧板、電鋸,鄺球指「我唔知道有冇用」,後稱「可以咁講有用囉」。
主控:用湯煲煮蔡天鳳的肉非常有用 鄺:咁啱㗎啫
郭莎樂問到湯鍋是否用來將蔡天鳳的肉煮湯,鄺球答「唔記得喇」,惟同意14吋湯鍋並不常見,稱「買個煲目的唔係做呢啲嘢」,重申用以栽種藤蔓,又解釋「藤蔓好粗生㗎嘛」。郭莎樂追問湯鍋用來將蔡天鳳的肉煮湯非常有用,鄺球答「咁啱㗎啫都話」。
控方指鄺球早有預謀租單位購工具作案分屍
郭莎樂指出案中所有工具都巧合地派上用場,真正原因在於鄺球早有預謀,租用單位購置工具來分屍,藉此與2子瓜分加多利山物業,鄺球不同意。郭莎樂再指鄺球要求鄺港傑折返單位,因為對方年輕力壯,適合負責分屍烹煮等粗重工夫,所以到場穿上雨衣水鞋和手套,幫忙肢解蔡天鳳,鄺球亦不同意。
相關新聞:
蔡天鳳碎屍案|鄺球:因鄺港智「大陸有條女」 蔡天鳳性格180度轉變
蔡天鳳碎屍案|鄺球稱煲及砧板等用具均放廚房 事後沒有與兩子商討抗辯理由
蔡天鳳碎屍案|鄺港智一方指蔡與鄺球單獨對話後浴血倒地 鄺球稱分屍為維護兩子
蔡天鳳碎屍案|鄺球:李瑞香破產與家庭無關 不會助還債 不知譚家富裕「我唔食米綫」
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日,在大埔汀角路龍尾村56B村屋地下內謀殺女子蔡天鳳,並在2023年2月21日至23日期間,於同地阻止合法埋葬蔡天鳳的屍體。三人否認謀殺罪,但承認阻止合法埋葬屍體罪。
本案以英語進行,由暫委法官祁彥輝(Brian Keith)審理,控方由外聘資深大律師郭莎樂(Charlotte Draycott)、高級助理刑事檢控專員梁育珩、高級檢控官林曉敏及吳希樂、檢控官尹培軒代表,鄺港傑由大律師Trevor Beel代表,鄺球由大律師戴偉奧(Oliver Davies)代表,鄺港智由大律師安華暉(Andrew Raffell) 代表。
案件編號:HCCC198/2025
法庭記者:陳子豪 黃巧兒

















