蔡天鳳碎屍案|鄺球認對蔡天鳳被肢解負全責 「我企喺度,對住個膠箱呆咗」
發佈時間:10:42 2026-11-18 HKT
28歲名媛蔡天鳳(Abby Choi)2023年2月疑遭殺害後肢解烹屍,蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第40日審訊,鄺球作供交代搬屍入屋後,「我就企喺度,我自己都唔知做咩,企喺度,對住個膠箱呆咗」,被問到是否對蔡天鳳被肢解負全責時,鄺球答「係」。鄺球被問到事前有否計劃殺害蔡天鳳,鄺球答「絕對冇」。
接鄺港傑來電稱蔡「冇晒意識」
鄺球憶述,在2023年2月21日上午11時許,他駕駛白色七人車VY9157前往大埔龍尾村「做下嗰啲運動呀,同埋散步嗰啲活動」,其後前往「開心BB棧」用午膳及駕駛VY七人車前往教育大學櫃員機打算提取金錢,因「我需要攞啲錢諗住返大陸,因為有個朋友想問我借5萬蚊」,惟抵達櫃員機後發現忘記帶銀行卡,因此未能成功提取金錢。
隨後鄺球離開教育大學,駛往大尾督停車場做運動「拉下筋,同埋少少緩步跑」。及至下午3時許「Damon就打電話俾我,佢話有啲好緊要嘅事發生咗,好嚴重嘅」,在他的詢問下鄺港傑透露「Abby好似冇晒意識」,鄺球庭上一度哭泣。在雙方通話期間,鄺港智不斷哭泣,鄺球遂叫鄺港傑前往大尾督停車場與他會合。




登車探蔡鼻息發現無呼吸且無心跳無脈膊
鄺球回想,他在停車場等待約10至20分鐘左右後,鄺港傑駕駛七人車AA3383抵達,並停泊在VY七人車旁邊。鄺球從AA七人車的司機座後排的車窗望入車內時「見到Alex坐係個座位上面,坐喺度喊」,另見到「Abby呢就瞓咗喺個車地下嗰到」,鄺球庭上不禁再度哭泣。
鄺球隨即拉開AA七人車的車廂趟門並登上七人車,他透露「咁我就摸一摸Abby嗰個呼吸」,庭上示範將食指放在鼻下「睇下有無呼吸」。他形容,當時蔡天鳳的面部朝地面「跟住呢我就移一移佢嘅身體,摸一摸佢嘅心臟」,並發現心臟「無跳動,無郁動,跟住我摸佢隻手嘅脈搏....發覺到佢無脈搏,好明顯無咗生命嘅跡象」,他相信蔡天鳳已死亡。其後「我就安撫細佬唔好喊啦」,惟發現停車場不斷有人流走來走去,因此他「叫Damon返村屋先啦」,3父子遂一同駛往龍尾村單位。鄺球被問及,是否有看見蔡天鳳流血時,他回應「無見到好多血」。
用薄被包裹蔡再塞入膠箱並指示長子搬入屋
鄺球憶述3父子驅車駛回龍尾村村屋後,自己先取出膠箱,箱中有早前購買的垃圾袋,然後交給鄺港傑放在屋門外,再打開屋門將垃圾袋及自己外套放入屋內。鄺球續指當時鄺港智仍在車上,遂上車繼續安撫對方,「叫佢鎮定啲唔好再喊,冇幾耐佢就停咗冇再喊喇,我叫佢唞下先啦,落車食下煙先啦。我自己喺3383(七人車)裡面諗下用咩方法搬阿Abby入單位裡面,跟住我就攞咗一張薄被包住阿Abby。然後我叫Damon攞個較早前嘅膠箱攞入來畀我,我嘗試將Abby擠入膠箱裡面,卒之成功咗。然後呢我就叫Damon幫我搬個膠箱——裡面有Abby屍體——入單位裡面」。
對蔡被肢解負全責 稱事前無任何人計劃殺蔡
代表大律師戴偉奧主問下,提到案發當日鄺球等人搬屍入龍尾村村屋,鄺球交代當時將Abby屍體放入膠箱搬入單位內,「放咗喺入門口側面窗門地下嗰度,然後呢我就叫Damon同Alex呢儘快離開呢個單位,Alex同Damon就離開呢個單位」。鄺球續指當時「我就企喺度,我自己都唔知做咩,企喺度,對住個膠箱呆咗」,被問到是否對蔡天鳳被肢解負全責時,鄺球答「係」。戴偉奧再問到事前有否計劃殺害蔡天鳳,鄺球答「絕對冇」。戴偉奧追問事前有否任何人計劃殺害蔡天鳳,鄺球答「冇」。
鄺球另提及,他原本打算租凱旋門供女朋友居住,惟女朋友在銅鑼灣的單位仍未完租約,因此將凱旋門的租約及鑰匙給予鄺港智。鄺球強調,案發當晚鄺港傑折返龍尾村單位,惟「佢都無入過呢啲房,佢喺廁所啊,佢要冷靜啊嘛」。
鄺球三父子被控謀殺與阻止合法埋葬屍體罪
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日,在大埔汀角路龍尾村56B村屋地下內謀殺女子蔡天鳳,並在2023年2月21日至23日期間,於同地阻止合法埋葬蔡天鳳的屍體。三人否認謀殺罪,但承認阻止合法埋葬屍體罪。
本案以英語進行,由暫委法官祁彥輝(Brian Keith)審理,控方由外聘資深大律師郭莎樂(Charlotte Draycott)、高級助理刑事檢控專員梁育珩、高級檢控官林曉敏及吳希樂、檢控官尹培軒代表,鄺港傑由大律師Trevor Beel代表,鄺球由大律師戴偉奧(Oliver Davies)代表,鄺港智由大律師安華暉(Andrew Raffell) 代表。
案件編號:HCCC198/2025
法庭記者:陳子豪 黃巧兒

















