蔡天鳳碎屍案｜鄺港傑稱事後：呃自己件事冇發生過 警方尋獲殘肢才「開始喊出來」
發佈時間：17:05 2026-11-12 HKT
28歲名媛蔡天鳳（Abby Choi）2023年2月疑遭殺害後肢解烹屍，蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第36日審訊，鄺港傑憶述案發清潔完車廂後，「我想逃離嗰個area」，遂駛至大埔超級城，其後發現蔡天鳳的手機在車上，驚慌下「順手掉埋個電話去垃圾桶到」。鄺港傑坦言當時「我呃緊自己呢件事冇發生過」，直至得知警方尋獲蔡天鳳殘肢後「喺嗰時就開始喊出來啦」。
鄺港智離開時狀態如「一片空白咁」
庭上播放龍尾村村屋外閉路電視片段，鄺港傑指案發後曾先後兩度上車取去地氈，其後2兄弟再多次來回車邊，鄺港傑供稱當時仍在洗抹車廂，將地氈取入屋內，在車廂中未發現任何武器或異常物品，而「爸爸重係企喺客廳諗緊嘢」。片段顯示鄺港智更衣後手持白色膠袋離開，鄺港傑憶述當時鄺港智稱「我走喇」，鄺港傑不知其去向，形容鄺港智「狀態仲係好似一片空白咁樣，佢自己都唔知自己做緊咩」，至於手持的膠袋中，相信盛載住鄺港智換下的衣服。
鄺港傑獨坐於車中思考「點解搞成咁」
片段顯示鄺港傑其後駛開AA七人車，騰空位置將VY七人車泊回原位，登上AA七人車後靜止了近10分鐘。鄺港傑解釋，當時「自己喺架車到calm down緊」，直言「我乜都諗唔到呀嗰刻，我形容為好複雜」，在蔡天鳳遇害後的「短短一個鐘頭內就發生好多事，直到呢一刻先真正坐喺架車到，自己一個人」。因此在車上思考「點解會搞成咁，點解會發生事情」，包括為何鄺港智會殺死蔡天鳳及在龍尾村單位外發生的所有事情。
形容鄺港智「嗰段時間有啲陌生」不知何故殺蔡
鄺港傑坦言，對於鄺港智殺死蔡天鳳的舉動感「不解」，又形容鄺港智「喺嗰段時間，有啲陌生，因為我未見過佢咁嘅狀態」。鄺港傑被問及對蔡天鳳的感受時回應「我記得嗰刻我無諗到呢個point，好複雜啊」，直言他被捕後在警署得知警方已在龍尾村尋獲蔡天鳳的殘肢後，感受「先湧出來」，形容「喺嗰時就開始喊出來啦」，喊到難以回答警方問題。
「我呃緊自己呢件事冇發生過」
鄺港傑強調，他並非因東窗事發遭警方拘捕才哭泣，解釋指自蔡天鳳遇害後「我呃緊自己呢件事冇發生過」，直到警方尋回蔡天鳳的殘肢後，理智才確認蔡天鳳已遇害。閉路電視片段顯示，鄺港傑在下午4時56分駕車離開龍尾村單位，直言「我想逃離嗰個area，唔想再留喺嗰到，所以我漫無目的咁駛去市區」，而且他「想去嗰洗手間冷靜下」，因此駕駛AA七人車到附近商場大埔超級城。
驚見蔡天鳳手機遺於車上 急關掉棄置洗手間
鄺港傑透露，當他將七人車停泊在商場停車場後，再檢查後座車廂「有冇咩特別、有無咩異樣」，因稍後仍要接載李瑞香及鄺蔡女兒，當時鄺蔡女兒在銅鑼灣補習。鄺港傑指，他檢查車廂時發現「有部電話喺趟門嘅儲物格，係Abby嘅」，因感到「驚囉」及關掉手機，他遂「拎埋電話去洗手間，喺我洗面嘅同時就掉埋啦」，補充他是「順手掉埋個電話去垃圾桶度」。鄺港傑直言「因為Abby啱啱喺呢個鐘頭死咗，我架車入面有佢部電話，我淨係想掉咗佢，唔好有呢啲嘢喺我架車入面」。
只向母親稱蔡「唔得閒約咗人」無透露已遇害
鄺港傑憶述離開大埔超級城後致電鄺港智查詢其去向，得悉對方身處尖沙咀，遂表明將要去尖沙咀接載對方，再去銅鑼灣接送李瑞香及幼女，回到加多利山後看見譚方駿正在梳化上睡覺，沒有醒來，之後鄺港傑離開加多利山，返回荃灣住所，期間沒有向李瑞香透露蔡天鳳遇害，只交代「Abby唔得閒約咗人」，才要李瑞香匆忙接送幼女下課。
相關新聞：指蔡遇襲後披頭散髮癱臥車上 鄺港傑稱：我至少應報警或call白車
相關新聞：鄺球以薄被將蔡天鳳包裹放膠箱 指示鄺港傑搬入屋
相關新聞：鄺球勸兩子儘快離開由其處理 兩兄弟清理車廂 將蔡鞋、袋帶入屋
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，但承認阻止合法埋葬屍體罪。
本案以英語進行，由暫委法官祁彥輝（Brian Keith）審理，控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏及吳希樂、檢控官尹培軒代表，鄺港傑由大律師Trevor Beel代表，鄺球由大律師戴偉奧(Oliver Davies)代表，鄺港智由大律師安華暉(Andrew Raffell) 代表。
案件編號：HCCC198/2025
法庭記者：陳子豪 黃巧兒
