公屋富戶租金加至$13000 網民起底驚人月入：分分鐘十幾萬？兒子想除名搬走竟遭兩老「自私」反對？｜Juicy叮

更新時間：12:00 2026-11-12 HKT
發佈時間：12:00 2026-11-12 HKT

有網民在社交平台發帖爆料，指其友人因富戶政策收到房屋署通知，其公屋屋租要加到每月$13,000元，面對堪比私樓的驚人天價租金，友人為了「有私人空間之餘，又想減輕屋企人負擔」，萌生了「除名搬出去住」的想法，卻遭到家中長輩的強烈反對，陷入兩難局面，唯有上網求助：「但佢屋企人唔同意，可以點？」

公屋租金首見「五位數」網民：真係見識少

帖文引來大批市民熱議，不少習慣了公屋月租只需一、二千元四位數的網民大呼不可思議，紛紛驚呼：「無Ｘ野下話？千幾兩千幾蚊租就聽得多」、「公屋邊有可能13000租？」、「第一次聽公屋租金$13,000......我真係見識少」。

不過，隨即有網民出來解釋這是由於公屋「富戶政策」，若入息或資產超標，租金會以倍數遞增，如2.5倍、3.5倍甚至最高4.5倍。有網民指出，市區大單位本身基本租金就不便宜，「市區大單位交過萬真係唔奇」、「而家公屋4個人搵錢，已經要交2.5倍，所以點解咁多人除名」。

AI神推算「全家月入起碼六位數」？網民怒轟：霸住間屋

到底要有多高的收入，才會被加租加到 $13,000？網民們紛紛化身偵探和利用AI進行瘋狂估算：「AI推算你fd家庭月入$9.3萬 – $12.4萬，仲住公屋好似...」有網民更貼出詳細估算，指出這位朋友的家庭月收入「保守估計至少在10萬港元以上；如果家裡只有3-4個人，更有可能是一名月入高達12萬至15萬元的『超級富戶』。」

得知樓主友人原來是「隱形富戶」後，網民的輿論風向開始轉變，炮轟聲此起彼落：「交到4-5倍租，家庭入息起碼六位數，仲霸住間公屋？」「靠納稅人養左咁多年住平屋，有能力就梗係將資源留返俾有需要既人，唔到佢地鍾意同唔鍾意。」「咁有錢，買居屋啦！」

面對網民「霸佔公屋」的指控，樓主隨即代友反擊澄清：「咁老人家瞓邊？」、「咁佢屋企兩個老人家叫唔叫真正有需要嘅人？」，並強調朋友一家「如實報入息同資產，冇虛報任何野，唔知舉報嘅原因係咩」。

兩老「情懷與安全感」作祟拒買居屋兼反對除名

既然收入豐厚，又肯付$13,000租金，為何不索性買居屋或私樓？樓主透露，關鍵在於「家中有2位長者，長者想法是無法改變」。網民普遍建議他們利用綠表買居屋，表示「有長者，一定抽居屋，供樓當交租」，但樓主無奈表示，老人家的思維極難打破：「抽居屋係有可能大屋換細屋，所以並非每個長者都接受到。」「長者唔想變又點搞？......但其實有時換完屋可能仲細左」

此外，更有網友指出兩老反對「除名」背後的現實考量和「自私心態」：「冇晒network對老人精神健康其實都有一定影響」。「兩老攻略係怕你朋友响現今Ai失業社會有咩都有公屋！出咗去就真係千萬不可pk」，因為「一但除名係一世都唔可以加番落去架」。

有網民則認為是與父母的控制欲有關：「部份父母就係自私，唔care仔女人生計劃，最好你一世同佢住，屈係一間房仔甚至一格床位，家用就比大份」。