蔡天鳳碎屍案｜鄺港傑稱聞鄺港智遭蔡辱罵後傳撞擊聲 弟崩潰大哭：唔好再鬧 蔡倒下
發佈時間：16:31 2026-11-11 HKT
28歲名媛蔡天鳳（Abby Choi）2023年2月疑遭殺害後肢解烹屍，蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第35日審訊，鄺港傑續作供指案發當日蔡天鳳在車上痛罵鄺港智，夾雜「冇X用」等言詞，鄺港智「一如既往唔出聲」。鄺港傑稱「突然間感受到有啲嘢撞到我個椅背，同時間有個聲音好似瀡咗喺地下咁嘅⋯⋯細佬喊晒好崩潰咁喊，個對白係類似『唔好再鬧喇！唔好再鬧喇！』」回頭「見到細佬喺上面，有個物體喺地下，我判斷係Abby啦」。
指蔡天鳳車上情緒高昂地尖聲指責鄺港智
鄺港傑憶述在2023年2月21日下午2時許接載蔡天鳳及鄺港智前往學校接女兒放學，起初從倒後鏡目睹「Abby同Alex都各自喺到㩒緊電話」，鄺港智用電話瀏覽網絡，而蔡天鳳則用海南話與他人對話，「同時同緊Alex傾偈，用海南話」，而鄺港傑則專心駕駛，沒有加入對話。鄺港傑形容蔡天鳳當時坐在司機座位的後方，鄺港智則坐在蔡天鳳旁邊，而蔡天鳳一貫不會戴上安全帶。車廂內裝有空氣清新機，車窗則由遮光隔及窗簾遮擋「長期都會閂晒㗎，私密少少呀嘛」。
鄺港傑形容兩人起初單純普通交談「大多數都係Abby講，Alex聽嘅」，惟其後「由平淡咁傾偈」演變為「有啲鬧呀咁嘅語氣、有啲指責咁嘅語氣」，蔡天鳳指責鄺港智時，當中更夾雜一些廣東話粗口包括「冇腦、垃圾、冇X用」，而鄺港智沒有回應，「一如既往唔出聲，俾佢鬧」。穿過獅子山隧道後，大約下午2時45分左右，蔡天鳳再沒有使用電話，「專心鬧緊」，情緒及語氣「有啲高昂，鬧得興起咁嘅狀況」，形容蔡天鳳聲線「好大聲、有啲尖」。
椅背突遭撞擊「有聲音似瀡咗喺地下」 弟崩潰哭喊：唔好再鬧喇！
鄺港傑提到當七人車駛至馬場時，蔡天鳳仍在痛罵鄺港智，鄺港傑稱當時「我冇留意，都慣咗，向緊前望。突然間感受到有啲嘢撞到我個椅背，同時間有個聲音好似瀡咗喺地下咁嘅，聽到⋯⋯」鄺港傑聲音開始顫抖，哽咽道「聽到細佬喊晒好崩潰咁喊，喊得好大聲，個對白係類似『唔好再鬧喇！唔好再鬧喇！』」鄺港傑不禁停頓下來，被告欄內鄺球再次眼泛淚光。鄺港傑續道「（鄺港智說）『唔好再鬧喇！唔好再講喇！』我驚啦，我都唔知發生咩事」，「我問『咩事咩事？』冇人回答我，細佬淨係不斷咁喊緊，類似崩潰」。
傳來「俾人捏住喉嚨嘅聲音」，並有「手腳撞到我座位」
鄺港傑稱「我嗰時顧住揸車，喺高速公路⋯⋯我好快咁望一望後面咩事，我個視線俾張椅背遮住咗呀，跟住我見到細佬喺上面，有個物體喺地下，我判斷係Abby啦」。鄺港傑指當時從倒後鏡中「見唔到（Abby）喇，佢哋唔係坐喺度我睇唔到」，又聽到「好細聲嘅類似，形容為俾人捏住喉嚨嘅聲音咁一下下咁㗎嘛，Alex好大聲喊緊㗎，佢cover晒好多聲音」，其後鄺港傑又「聽到有啲拍嘅聲音、手腳撞到我個座位嘅聲音，唔係好大聲」、「1、2下」，整個過程歷時約分半鐘。此時鄺港傑「我乜都諗唔到，軚盤唔郁，直行，我諗唔到嘢」。
致電父親告知情況後相約龍尾村屋前見面
鄺港傑指當時「Alex喊緊啦，我同佢溝通唔到呀，好似變咗另1個人咁，都冇對答。跟住我就打畀爸爸，我同爸爸講『啱啱發生咗事，好嚴重，Alex喊緊，Abby冇反應』」，鄺球「佢聽完我咁講之後靜咗幾秒，『你記唔記得我屋企前面有個停車場呀？喺嗰度等我呀』」。
相關新聞：鄺港傑稱鄺球買湯煲絞肉機後解釋「部份幫朋友舖頭買嘅」
相關新聞：鄺港傑指買索帶麻繩鎚子等 助鄺球為龍尾村屋建圍欄
相關新聞：鄺港傑指證「細佬」殺害蔡天鳳 鄺球紙巾拭淚
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，但承認阻止合法埋葬屍體罪。
本案以英語進行，由暫委法官祁彥輝（Brian Keith）審理，控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏及吳希樂、檢控官尹培軒代表，鄺港傑由大律師Trevor Beel代表，鄺球由大律師戴偉奧(Oliver Davies)代表，鄺港智由大律師安華暉(Andrew Raffell) 代表。
案件編號：HCCC198/2025
法庭記者：陳子豪 黃巧兒
