蔡天凤碎尸案｜邝港杰称闻邝港智遭蔡辱骂后传撞击声 弟崩溃大哭：唔好再闹 蔡倒下
发布时间：16:31 2026-11-11 HKT
28岁名媛蔡天凤（Abby Choi）2023年2月疑遭杀害后肢解烹尸，蔡天凤前夫邝港智、前家翁邝球、前夫兄长邝港杰否认谋杀罪。案件踏入第35日审讯，邝港杰续作供指案发当日蔡天凤在车上痛骂邝港智，夹杂「冇X用」等言词，邝港智「一如既往唔出声」。邝港杰称「突然间感受到有啲嘢撞到我个椅背，同时间有个声音好似瀡咗喺地下咁嘅⋯⋯细佬喊晒好崩溃咁喊，个对白系类似『唔好再闹喇！唔好再闹喇！』」回头「见到细佬喺上面，有个物体喺地下，我判断系Abby啦」。
指蔡天凤车上情绪高昂地尖声指责邝港智
邝港杰忆述在2023年2月21日下午2时许接载蔡天凤及邝港智前往学校接女儿放学，起初从倒后镜目睹「Abby同Alex都各自喺到㩒紧电话」，邝港智用电话浏览网络，而蔡天凤则用海南话与他人对话，「同时同紧Alex倾偈，用海南话」，而邝港杰则专心驾驶，没有加入对话。邝港杰形容蔡天凤当时坐在司机座位的后方，邝港智则坐在蔡天凤旁边，而蔡天凤一贯不会戴上安全带。车厢内装有空气清新机，车窗则由遮光隔及窗帘遮挡「长期都会闩晒㗎，私密少少呀嘛」。
邝港杰形容两人起初单纯普通交谈「大多数都系Abby讲，Alex听嘅」，惟其后「由平淡咁倾偈」演变为「有啲闹呀咁嘅语气、有啲指责咁嘅语气」，蔡天凤指责邝港智时，当中更夹杂一些广东话粗口包括「冇脑、垃圾、冇X用」，而邝港智没有回应，「一如既往唔出声，俾佢闹」。穿过狮子山隧道后，大约下午2时45分左右，蔡天凤再没有使用电话，「专心闹紧」，情绪及语气「有啲高昂，闹得兴起咁嘅状况」，形容蔡天凤声线「好大声、有啲尖」。
椅背突遭撞击「有声音似瀡咗喺地下」 弟崩溃哭喊：唔好再闹喇！
邝港杰提到当七人车驶至马场时，蔡天凤仍在痛骂邝港智，邝港杰称当时「我冇留意，都惯咗，向紧前望。突然间感受到有啲嘢撞到我个椅背，同时间有个声音好似瀡咗喺地下咁嘅，听到⋯⋯」邝港杰声音开始颤抖，哽咽道「听到细佬喊晒好崩溃咁喊，喊得好大声，个对白系类似『唔好再闹喇！唔好再闹喇！』」邝港杰不禁停顿下来，被告栏内邝球再次眼泛泪光。邝港杰续道「（邝港智说）『唔好再闹喇！唔好再讲喇！』我惊啦，我都唔知发生咩事」，「我问『咩事咩事？』冇人回答我，细佬净系不断咁喊紧，类似崩溃」。
传来「俾人捏住喉咙嘅声音」，并有「手脚撞到我座位」
邝港杰称「我𠮶时顾住揸车，喺高速公路⋯⋯我好快咁望一望后面咩事，我个视线俾张椅背遮住咗呀，跟住我见到细佬喺上面，有个物体喺地下，我判断系Abby啦」。邝港杰指当时从倒后镜中「见唔到（Abby）喇，佢哋唔系坐喺度我睇唔到」，又听到「好细声嘅类似，形容为俾人捏住喉咙嘅声音咁一下下咁㗎嘛，Alex好大声喊紧㗎，佢cover晒好多声音」，其后邝港杰又「听到有啲拍嘅声音、手脚撞到我个座位嘅声音，唔系好大声」、「1、2下」，整个过程历时约分半钟。此时邝港杰「我乜都谂唔到，軚盘唔郁，直行，我谂唔到嘢」。
致电父亲告知情况后相约龙尾村屋前见面
邝港杰指当时「Alex喊紧啦，我同佢沟通唔到呀，好似变咗另1个人咁，都冇对答。跟住我就打畀爸爸，我同爸爸讲『啱啱发生咗事，好严重，Alex喊紧，Abby冇反应』」，邝球「佢听完我咁讲之后静咗几秒，『你记唔记得我屋企前面有个停车场呀？喺𠮶度等我呀』」。
相关新闻：邝港杰称邝球买汤煲绞肉机后解释「部份帮朋友舖头买嘅」
相关新闻：邝港杰指买索带麻绳锤子等 助邝球为龙尾村屋建围栏
相关新闻：邝港杰指证「细佬」杀害蔡天凤 邝球纸巾拭泪
邝港杰、邝球、邝港智同被控1项谋杀罪及1项阻止合法埋葬尸体罪。控罪指3人于2023年2月21日，在大埔汀角路龙尾村56B村屋地下内谋杀女子蔡天凤，并在2023年2月21日至23日期间，于同地阻止合法埋葬蔡天凤的尸体。三人否认谋杀罪，但承认阻止合法埋葬尸体罪。
本案以英语进行，由暂委法官祁彦辉（Brian Keith）审理，控方由外聘资深大律师郭莎乐（Charlotte Draycott）、高级助理刑事检控专员梁育珩、高级检控官林晓敏及吴希乐、检控官尹培轩代表，邝港杰由大律师Trevor Beel代表，邝球由大律师戴伟奥(Oliver Davies)代表，邝港智由大律师安华晖(Andrew Raffell) 代表。
案件编号：HCCC198/2025
法庭记者：陈子豪 黄巧儿
