蔡天鳳碎屍案｜鄺港傑指鄺港智小男人逆來順受 多年來被罵從不駁嘴
發佈時間：17:56 2026-11-10 HKT
28歲名媛蔡天鳳（Abby Choi）2023年2月疑遭殺害後肢解烹屍，蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第34日審訊，鄺港傑形容鄺港智「比較小男人角色，Abby比較強勢少少」，蔡天鳳通常「偏向嫌呀、鬧呀咁樣」，鄺港智通常逆來順受，多年來從不駁嘴。鄺港傑曾私下勸鄺港智道「你似返個男人啦，你唔可以成日俾人鬧㗎喎」，鄺港智回應「咁多年都係咁㗎喇」。鄺球搬出加多利山單位後，向鄺港傑透露「想揾嗰地方自己住」，並指欲租村屋「因為又平又大啲」，鄺港傑在2023年2月5日知道鄺球已租下大埔龍尾村的涉案村屋。
形容鄺港智小男人多年來遭蔡指責從不駁嘴
鄺港傑憶述2023年農曆新年年初一，鄺家3父子攜同2名子女前往荃灣冒險樂園遊玩，期間旅法的蔡天鳳先致電鄺母李瑞香，以為李瑞香與2名子女同場，要求視像通話「見下小朋友」，李瑞香支吾以對沒有成事。李瑞香隨即致電通知鄺港傑，蔡天鳳亦致電鄺港傑，「嗰時未(生氣)嘅，我亦都支吾以對」，著對方致電鄺港智，蔡天鳳遂「開始嬲㗎喇著(生氣)喇，打咗2、3個電話都未成功同到小朋友講嘢」。
鄺港傑續指蔡天鳳回港後沒有討論過此事，「通常唔會同我表達唔高興，通常都係卸晒落細佬度」，提到某日在加多利山單位用膳時，蔡天鳳質問鄺港智「點解又帶小朋友瞞住我見爺爺呀？你明知我唔畀佢哋見爺爺㗎啦」。鄺港傑形容在家中鄺港智「比較小男人角色，Abby比較強勢少少」，蔡天鳳通常「偏向嫌呀、鬧呀咁樣」，鄺港智通常「投訴唔到」就逆來順受，「Abby有Abby講，佢唔出聲照聽」，「咁多年都冇駁過嘴嘅，通常都俾人鬧㗎喇」。鄺港傑見狀，由於不便向蔡天鳳明言，遂私下向鄺港智道「你似返個男人啦，你唔可以成日俾人鬧㗎喎⋯⋯」鄺港智回應「算啦，佢係咁㗎喇，咁多年都係咁㗎喇」。
稱鄺球被逐後想租又平又大龍尾村單位
鄺港傑提及，鄺球自約2022年6月底在加多利山與蔡天鳳爆發爭執後，蔡天鳳便將鄺球逐出加多利山，因此鄺球偶爾搬到荃灣居屋與鄺港傑同住，惟居屋單位面積較細，鄺球只能睡在客廳沙發上。鄺港傑在11月中開始擔任蔡天鳳的私人司機後，要早起上班而會影響鄺球，鄺球遂於年尾向鄺港傑透露「想揾嗰地方自己住」，並指欲租村屋「因為又平又大啲」，惟鄺港傑在2023年2月5日才首次知道鄺球已租下大埔龍尾村的涉案村屋。鄺港傑又指，他在被捕後才得知鄺球另租下凱旋門的單位。
鄺港傑透露，在鄺球已租下大埔龍尾村村屋單位後，鄺港智得知鄺球叫鄺港智向友人借白色七人車「搬屋買家品嘅時候有車可以用」。鄺港傑憶述，他平日收工後習慣致電家人約食飯，他於2月6日如常致電鄺球「諗住揾佢食飯」，並得知鄺球在大埔龍尾村村屋附近，而鄺港傑自言「而我都未去過新屋，咁我就去揾佢食飯，順便參觀下」，因而首次前往龍尾村。鄺港傑形容當時單位「比較簡陋，始終啱啱租」，未能記起單位內有什麽家具。
相關新聞：1男申請解除陪審團職務獲批 陪審團由9人減至8人
相關新聞：鄺港傑指鄺球與蔡爆爭執後被逐出加多利山「住情婦屋企」
相關新聞：鄺港傑指蔡欲炒私人司機不想賠錢 使計逼使對方主動辭職
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，但承認阻止合法埋葬屍體罪。
本案以英語進行，由暫委法官祁彥輝（Brian Keith）審理，控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏及吳希樂、檢控官尹培軒代表，鄺港傑由大律師Trevor Beel代表，鄺球由大律師戴偉奧(Oliver Davies)代表，鄺港智由大律師安華暉(Andrew Raffell) 代表。
案件編號：HCCC198/2025
法庭記者：陳子豪 黃巧兒
