香港對印度︱足總剖白Tifo製作過程 四日內極速完成 設計概念原來源自《龍珠》？
發佈時間：10:36 2025-06-12 HKT
【香港對印度/Tifo】港足於本周二的亞洲盃外圍賽，在啟體主場館以1比0小勝印度，現場球迷熱血沸騰。賽前有球迷展示巨型橫幅（Tifo），震撼全場，賽後球迷代表指這是足總一力促成，並承擔所有成本。
香港對印度Tifo︱上周五下單 周二已有貨
足總總幹事張炎有、市場部經理何小姐今早（12日）接受商台訪問時指，其實整個Tifo由決定製作到設計，再到最終落場展示，只是不足一星期內的事，非常趕急。他們又透露Tifo上的巨龍，設計概念其實是源自漫畫《龍珠》的神龍。
香港對印度︱足總總幹事：一直希望拉近與球迷距離
張炎有指，其實足總在一年多前開始，已開始嘗試拉近與球迷的距離，「開始諗緊會唔會做啲嘢，同唔同球迷組織有啲互動，知佢哋想要咩呢？」所以在啟德主場館賽事前，已與球迷組織有溝通，「團隊再想做多啲嘢，新場地有好多唔同設施」，希望可令大家投入觀賞賽事。甚至除球迷外，他們也想吸引一些之前沒有看本地賽事習慣的市民，一起提升球迷文化。
至於Tifo的製作，張炎有表示上周港隊對尼泊爾的賽事時，球迷已經有用紙製作不同的打氣工具，在旺角大球場展示。事後足總有想法，認為「喺（啟德）主場館會唔會可以做多啲呢？」他們知道Tifo在不同地區足球賽都有出現過，但香港較少有，尤其今次的Tifo面積達44米 X 26米，要很多人的場地才做到。
負責協調製作Tifo的市場部經理何小姐指，足總知道球迷都想有一些新的打氣方式，管理層亦給予很大自由度，讓他們與球迷溝通並商討有什麼事可做。在港隊對尼泊爾賽事期間，她亦有親身與球迷討論，當時兩大球迷組織代表都同意Tifo非常有用，但大家都擔心時間只有不足一星期未必來得及，但她當場答應，足總最後亦同意一力承擔製作成本，認為是「送俾球員嘅大禮」。她又感謝供應商願意在短時間內製作，上周五下單，今周二就要用到，即前後只有4日時間，最終都來得及。
向「神龍」許願：希望港隊次次都贏波！
被問到Tifo上那條巨龍的設計概念，何小姐笑言：「我哋marketing嘅設計同事，好鍾意《龍珠》條龍（神龍）！佢連工作間個枱頭都有嗰條龍嘅figure。」而相關同事認為Tifo的用途是震懾對手，所以要設計得有氣勢一點，所以都用了很多時間設計。在《龍珠》中，神龍可以為人們實現願望，被問到有何願望，何小姐笑言：「希望港隊次次都贏波。」
至於該Tifo未來會否重用，何小姐表示未有定案，要與球迷再商討，「會唔會再做張大塊啲嘅呢？」亦有人提出現時這一張如果不會再用，可以將其切割成若干份，分給球迷留念，往後再設計其他Tifo。足總會再聽聽球迷意見，再作決定。被問到今次Tifo的製作成本，何小姐笑而不答，只表示足總與供應商相熟，所以這是「友情價」，在預算範圍內。主持人追問需否10萬元，張炎有表示：「都唔使嘅！」
至於賽前香港隊球員出場的特寫片段，何小姐坦言也是上周對尼泊爾賽後才通知球員，「同佢哋講『第二日要拍嘢，記得gel返靚個頭！」她指其他場地在硬件上未必支援到如此高清的出場片段，但啟德主場館可以。「比賽前幾晚我哋同事真係喺場度過夜咁滯，試咗好多嘢。」
