全運會｜女子雙人單槳港隊第六完賽黃湘儀：全國賽高手雲集

即時體育

更新時間：12:11 2025-11-11 HKT
發佈時間：12:11 2025-11-11 HKT

全運會賽艇賽事女子雙人單槳決賽，香港代表黃湘儀、梁瓊允最終以5分38秒31排名第六完賽，賽後黃湘儀表示去到全國賽好似忽然到了一個高手雲集的地方，梁瓊允亦表示全運水平比亞洲賽高，今次比賽是發揮最好的一次。

全運會女子雙人單槳決賽黃湘儀、梁瓊允排名第六完賽。直播截圖

黃湘儀：入了一個高手雲集的地方

全運會女子雙人單槳香港代表黃湘儀、梁瓊允在準決賽時以5分37秒99闖入決賽，最終在決賽以5分38秒31排名第六完賽，賽後對於全運的對手黃湘儀說：「去到全運會就變咗好似都係大家一個最終考試，就會見到好多之前可能唔係好特別突出嘅對手，去到全國賽就突然間超級犀利，即係如果真係要形容，就係忽然進入一個完全高手雲集嘅地方咁。」而梁瓊允亦表示：「其實我覺得咧。今次全運會嘅水平其實比亞洲賽水平係高好多，同埋我哋最近呢幾次總共有3次比賽啦。可能每隔2個禮拜一次比賽，但係我哋發揮得最好嘅一次都係最後呢一個比賽，咁希望我哋夾得越耐越默契越好，咁明年嘅亞運會都會發揮得最好。」

梁瓊允表示這一年到江蘇集訓更添信心。新華社

提前江蘇集訓正視差距添信心

較早前她們也曾在亞錦賽中奪得銅牌，對於是否有增添信心梁瓊允則表示這一年到江蘇集訓更添信心，她說：「我覺得俾我哋更大信心係呢一年教練安排我哋同江蘇隊一齊集訓啦，江蘇隊都算係全國比較出色比較強嘅隊伍，佢哋今次都有6個項目入到決賽，所以其實教練安排我哋一齊訓練，咁我哋就可以同更高水平嘅艇知道個差距，咁一齊練得多咁我哋進步得多，咁就越嚟越有信心。」最後她們將會備戰亞運黃湘儀表示希望能夠保持住這種成長去為下屆亞運準備。