全運會｜趙顯臻:已經發揮最高水平 其他人爬得更快無辦法
更新時間：12:06 2025-11-10 HKT
發佈時間：12:06 2025-11-10 HKT
發佈時間：12:06 2025-11-10 HKT
字體大小
趙顯臻挾亞洲錦標賽男子輕量級單人雙槳冠軍，首次出戰全運會，結果取得第5名。賽後他指全運會臥虎藏龍，甚至比奧運更困難，今次已經發揮自己最高水平感到滿意，其他人爬得更快亦無辦法。
趙顯臻於男子輕量級單人雙槳得第5。星島資料圖
趙顯臻滿意發揮。電視截圖
全運難過奧運
趙顯臻以亞洲冠軍身份出戰全運，賽前有一定期望，今次得第5成績未如預期，但滿意自己表現，他說：「全運的對手好犀利，臥虎藏龍，世界賽好少6條艇一齊由起點爬到終點，刺激度好興奮，每一場比賽都好開心。有D選手認識的，去省基地訓練，知道大家差唔多水平，亦一齊練過夾過雙人艇，好興奮識咗咁多年終可同場較量。有點可惜(得第5)，已發揮最好狀態，人地再快控制唔到，只可集中自己做到最好為止，所以係可惜但無辦法。」
航道不利發揮
趙顯臻又談及今天的表現：「決賽都盡晒力，衝終點倦到差D反艇。今日風勢中間航道有著數D，每一次陣風佢地用少D力爬遠D，我相對吃力少少，左邊1號線嘗試跟領先艇，但航道有少少輸蝕最終爬咁成績，但整體滿意自己表現。」
之前話當持旗手緊張過比賽，至於今場決賽心情趙顯臻說：「比賽時無諗過結果，集中於熱身，諗點樣划好每一槳，做到最好。咩成績係結果，只要過程做得好成績就會來，今日做到自己最好表現，咩結果都滿意。」
聽到廣東話好有親切感
今次賽事粵港澳三地進行，阿臻坦言很有親切感：「去過很多國際賽，在廣州聽到廣東話，有香港朋友打氣好有親切感。比賽時在普通話中聽到一句廣東話好親切。」
最Hit
前TVB「億萬富婆」74歲生日紅衣金髮現身 臉上零毛孔似足陶瓷娃娃 零瑕疵凍齡狀態驚人
2025-11-09 14:00 HKT
日本中年男警派出所內 多次「約炮」20多歲警花雙方被罰……
2025-11-09 10:25 HKT