晨光追擊│「美麗第一」威風凜凜
更新時間：20:01 2025-09-04 HKT
發佈時間：20:01 2025-09-04 HKT
發佈時間：20:01 2025-09-04 HKT
字體大小
周四乃主要課期，今朝甚多參戰馬進行試跑，多位騎師更特意一早現身，現將操練報道如下。
「白鷺金剛」霍宏聲拍伴跳馬跳三段，戴面箍，一直落後，去到終點前先過馬，整個過程清脆利落，而且全程試來淡淡定。「和平波」蔡明紹跳兩段，戴頭罩及面箍，過往大圈跳有懶性，今課肯走更愈衝愈勁，乃托弗表現。
「寶進」梁家俊跳兩段，戴頭罩及面箍，神情專注走勢爽勁，馬身壯毛色靚，打仔易操起。
「常常感恩」戴眼罩由潘大衞跳一段，畀佢走心境開朗，反應相當唔錯，近況有轉機。
「可期而遇」戴頭罩由金誠剛跳兩段，精神奕奕並展現暗火，身色皆靚甚有好感。
「幸運有您」戴頭罩由助手跳兩段，年紀雖大但一樣跳得係威係勢，神態好火力夠。
「快樂老撾」戴頭罩由助手跳兩段，鋤頭腳法跑姿一向唔好睇，然而好活躍勁度又夠。
「增有」戴頭罩由助手跳兩段，例牌搶口緊韁捉實，馬身實淨毛色好靚。
「嘉應高昇」戴頭罩由潘頓跳一段，氣定神閒動作瀟灑，馬身做得好靚好實淨。
「錶之極光」布文跳兩段，岳高頭更未有轉腳，不過好放鬆，步闊有彈力。
「天下寵兒」戴頭罩霍宏聲跳兩段，轉腳動作有點大，神態可以力度充足，馬身夠結實。
「美麗第一」戴頭罩由副練跳兩段，唔急唔搶氣宇軒昂，走勢利落有力，威風凜凜。
「勝萬金」戴頭罩由助手跳兩段，愈走愈起勁火氣好，馬身肌肉飽滿，長期省鏡。
「晒冷」霍宏聲跳兩段，既肯轉腳且動作流暢，豎起雙耳好神氣，狀態已起。
「美麗多盈」戴眼罩由助手跳兩段，墜手起勁火氣極佳，灰馬身壯上佳水準。
兆文
