物業印花稅因減得加｜湯文亮

更新時間：11:32 2025-06-03 HKT
發佈時間：11:32 2025-06-03 HKT

有老友話辣招稅撤銷一年，在開始時還有一些人話唔應該撤銷辣招稅，但最近唔好講鬧，甚至連講都冇人講政府唔應該撤銷辣招稅，梗係唔會鬧，撤銷辣招稅之後，物業印花稅收入上升四成，由400多億升至600多億，有咁嘅成績，就算反對政府的人都唔好意思鬧政府，而事實上，鬧人的人好醒目，一見勢色唔對，不但唔會話政府不應該撤銷辣招印花稅，甚至會話撤辣太遲，一個不知民間疾苦嘅政府。

政府官員睇到這個成績，其實都好心傷，他們一向都非常樂意聽取基層市民意見，市民叫政府出招打壓樓市，政府便出招，市民叫政府唔好撤辣，政府唔敢撤辣，搞到香港樓價下跌，不少市民遭受損失。

撤辣後成交激增

而市民叫政府唔撤辣最大理由，就是撤辣後樓價飆升，而事實勝於雄辯，樓價不但沒有上升，甚至微微下跌，但成交額與成交量都激增，這證明政府應該一早撤辣，在財赤下，增加200幾億印花稅是雪中送碳，估計今年物業印花稅收入會繼續上升，很多人好奇怪，點解撤辣反而會令物業印花稅收入增如，理由很簡單，就是辣招稅令買樓的人減少，稅收自然減少，撤辣後買樓的人增加，稅收自然增如。

湯文亮
紀惠集團副主席及行政總裁

賣樓的人也是租樓的人｜湯文亮

賣樓之前要回想買樓是如何艱辛｜湯文亮

上車驗樓，星島搵專家幫你手！如果你有新盤驗樓、裝修分享，請即Email：[email protected]