撤辣後交投旺 網民意見極端 「六月前最少跌多一成」「負擔得起，有個竇係好！」
發佈時間：06:00 2024-03-02
全面撤辣後，市場預期二手交投有望好轉，新盤在撤辣後2天成交增至逾80伙，當中不少為離場已久的投資客源。樓市會否終於迎來𥌓光，尚有待觀察，不過香港樓市分析及討論網民則持有極端意見。
預算案公佈後，各區反價封盤情況，業主態度即時轉硬，當中新元朗中心於財案日亦錄得成交，屋苑2座中層A室，實用面積485方呎，兩房間隔，開價580萬元，零議價成交，呎價11,959元。買家為上車客，見業主原本肯傾價，但財案宣布樓市全面撤辣，業主態度即時轉硬，不設議價，因擔心業主反價，即拍板承接。
而新盤更百花齊放，預算案後兩日內，多個項目沽出單位，成交逾80伙。其中恒基位於鰂魚涌THE HOLBORN，單日沽出5伙，土瓜灣新盤城軒更單日售出14伙。
雖然市況即時轉旺，但有網民並不看好，「呢兩日好多所謂嘅業主反假封盤，事實的而且確係多番成交，我睇呢個勢頭最多都係維持半個月，之後暫時嘅購買力亦都會消化晒，保守估計六月前最少跌多一成。」
不過有人就認買樓應視乎個人情況，「我覺得好多人喺呢度都想樓價跌，點係咪跌就會買呢，咁大家諗住跌幾多？我自己就覺得，能夠負擔得起，又冇諗住離開香港嘅，有個竇係好！如果嘉湖細單位去到兩百萬，遠啲冇問題，最緊要成本低。老了，一定唔會再想租樓！有層樓加現金，退休唔使愁。」
有網民指出，香港人財政穩健，只是對樓市沒有信心，「其實點解你咁緊張升跌，係咪因為你炒樓，如果只係自住樓，又供得起嘅話，其實都係心理因素，咪繼續住。要移民就冇得講，其實政府點樣搞，都冇辦法啦，香港人其實都仲係好有錢，不過冇信心買樓。」
---
【上車驗樓，星島搵專家幫你手！如果你有新盤驗樓、裝修分享，請即Email：[email protected] 】
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁：https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
