多啦A夢無人機匯演周六舉行 酒樓趁機推「無人機宴」每位收$888 網民批不值
發佈時間：10:14 2024-05-24
全球首場「多啦A夢」無人機匯演將於本周六（25日）晚於尖沙嘴星光大道一帶海濱上演，為7月舉行的「100%多啦A夢&FRIENDS」巡迴特展預熱。有酒樓趁機推出價值888元的「無人機宴」吸引市民消費。
有網民在FaceBook群組「香港茶餐廳及美食關注組」發帖，並上傳金鐘一間酒樓的宣傳單張，顯示將配合「全球首場多啦A夢無人機匯演」，推出「無人機宴」，菜式包括龍蝦、佛跳牆及元貝等，送橙汁或紅酒一杯，每位收費為888元，要求至少2位惠顧。
有網民大讚酒樓有生意頭腦，「幾夠噱，不過我冇錢」、「又一商機」。有人認為菜式名可以更有創意，「做生意嘅...啲菜名可唔可以比啲心機改返啲有叮噹feel嘅名呀......」、「野比玉子豆腐、豆沙包做甜品」。但亦不少網民表示定價太高，「睇得個10幾分鐘，洗成千蚊」、「睇個Menu，我應該唔夠飽」。有人就指，酒家位於港島，但無人機匯演在尖東海旁，就觀賞位置而言並不吸引，「每位$888去睇對面海無人機」、「尖東起機呢個位睇？」有人就質疑活動是否已取得版權，「有冇License？」、「有冇買版權呢？」
多啦A夢無人機匯演詳情：
主辦機構AllRightsReserved稱，活動已取得日本方面授權，與其他地方的機構競爭下，成功爭取在香港首演。匯演晚上7時半開始，約1000架無人機將展示出多啦A夢、竹蜻蜓和隨意門等「法寶」的圖案，並有本地配音員聲音演出。歷時約15分鐘，最佳觀賞位置為星光大道鄰近梳士巴利花園段。
---
由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
緊貼最新最快新聞資訊，請立即下載星島頭條App：https://bit.ly/3Q29Vow
