高鈞賢為愛女與鄰居駁火 《東周刊》獨家專訪爆生一個夠晒數 望女成「谷愛凌2.0」
發佈時間：12:00 2026-08-25 HKT
2005年香港先生冠軍高鈞賢（Matthew），前年自揭與年輕10年的圈外女友、身家「億億聲」的美容院老闆黃梓漫結婚。去年1月，夫妻更迎來女兒高子琳（Liona），一家三口幸福滿瀉。
高鈞賢靠AI湊女
早前因為愛女跟鄰居駁火、於網上討論度甚高的高鈞賢，因懂得運用AI，故親力親為照顧愛女，由餵奶、掃風、換尿片皆應付自如，「有咩就上網問AI，好有用。Liona都好湊，佢只係細時有嘔奶問題，嘔好多次，我哋試咗4、5隻奶粉，但飲完都嘔，初時擔心佢係乳糖敏感，最終試咗美國奶粉，就冇事。」他強調生一個夠晒數：「我嘅愛、精神畀晒佢一個，有一個女都好夠，Liona雖然係女仔，但佢好有男仔嘅勇氣，好『大女主』（意即︰獨立自主），佢好鍾意擒高擒低，所以屋企做好晒安全措施，任佢跑跌，佢跌撞之後，就會提升自我嘅意識。」
相關閱讀：高鈞賢跟鄰居因噪音爆衝突 霸氣護妻兒指「嫌吵搬去別墅」 遭批架子大：你有問題叫人搬？
高鈞賢為湊女推百萬工作
轉眼間，Liona已經1歲半，Matthew把握親子時光，除周日定為家庭日外，又不惜推掉多套劇，賺少過百萬元，「我覺得陪伴係最重要，所以現時嘅工作重心，我會放多啲喺自己嘅娛樂公司、做直播度，希望陪伴佢到十歲，咁就無遺憾。雖然之前係推咗工作，但我哋一家三口又接到親子廣告，Liona都幫手賺奶粉錢㗎。」
高鈞賢想女兒做運動員
早前，Matthew豪擲2,250萬元，購入九龍塘老牌豪宅畢架山一號的一個3房單位，他解釋說：「我計劃晒佢讀咩幼稚園同小學；不過，最緊要佢健康、開心，讀到書就讀；另外，好想佢同我一樣熱愛運動，因為運動可以提高人嘅質素，運動係需要努力，有一句說話︰The magic is in the work.（魔法存在於努力之中），希望佢可以成為運動員，好似谷愛凌咁。」
想睇最新一期《東周刊》詳細報導，即刻點擊：https://bit.ly/4xozvYM
相關閱讀：高鈞賢「搬別墅」公關災難升級 揚言四字粗口鬧鄰居 富婆太太撥火：老公係明星就要受氣？
