許志安初戀女友宣布復出！自爆受情緒困擾 曾獲TVB力捧嫁入豪門早前榮升奶奶
發佈時間：10:00 2025-07-20 HKT
80年代獲TVB力捧的「銀河十星」之一崔加寶與晨曦足球隊班主周文曦在1995年結婚後息影，誕下兩子一女後專心過着相夫教子的豪門少奶奶的生活。今年5月大仔周志仁和女友李沂結婚，幾乎半個娛樂圈的前輩巨星級藝人獲邀出席，星光熠熠媲美頒獎禮，崔加寶的凍齡外貌一度被外界關注。
崔加寶又再宣布復出
崔加寶曾在2021年復出與黃德斌、麥明詩等合拍亞洲心動娛樂（AMM）網劇《逐流時代》，雖然當時崔加寶自稱「2021年最老的新人」，假如有適合角色不排除再接Job過戲癮，不過遲遲未見有新作品，直到近日崔加寶又再宣布復出，今次她轉型為李珊珊的YouTube頻道三坐山的節目《BoBo Kingdom》主持，崔加寶坦言在30年的家庭生活，經歷過少不少甜酸苦辣，希望與大家分享。
相關閱讀：57歲崔加寶息影29年美艷如昔 潮爆粉紅pink lady頭逆齡外貌勝當年 嫁晨曦班主做少奶奶
崔加寶復出轉型做網上節目︰
崔加寶曾受更年期困擾
下月是崔加寶的58歲生日，對於今次轉型復出，崔加寶說：「其實我都諗咗好耐，而家仔大女大，本來係可以計劃去享樂，不過因為更年期嘅問題，令我經歷過好多嘢，慢慢發覺自己係咪要做返啲嘢？反正我仲有體力，點解唔行出嚟做吓嘢？」崔加寶希望大家可以重新認識自己：「我將啲時間放咗喺啲仔女身上，連老公都冇時間理，到咗啲仔女大個晒，好似失戀又失業咁，冇咗個重心，我三個仔女仲去咗唔同嘅國家，就算想探都唔可以一齊，慢慢啟發咗一啲嘢，原來我不停係輸出，想人哋開心，再加上受到更年期嘅情緒困擾，希望可以做返『崔加寶』。」
崔加寶獲三子女支持復出
崔加寶又說：「我有30年冇接觸社會，我嘅事業咪就係家庭，所以都想分享返呢方面嘅嘢，我嗰三個仔女都好支持我復出，哥哥本來唔係好出聲，但係娶咗老婆變得好肯去表達，識得同女性相處，變得溫柔咗。阿女就好雀躍，關人我着衫，我就叫佢睇就得。細仔比較心思細密，都有擔心過驚未乜有人睇，不過佢哋都一致贊成，可能覺得好鮮，可能因為更年期我成日匿喺屋企，佢哋有啲擔心，話我唔可以冇晒社交，所以當我行嚟做自己想做嘅嘢，佢哋三個都好開心。」不少網民留言表示支持：「加油呀！睇得好舒服、輕鬆，好貼地，又係咁多身份嘅女性，其實亂傾一通反為更開心，多謝你哋呀！你唔係冇嘢做㗎！你比演員生活更精彩，一人分飾多角，你好忙㗎！」、「Bobo真係人生勝利組，仔大女大仲keep得好好，可以出返嚟鏡頭前分享，老公喺現場鏡頭後support，阿仔直播留言支持，好sweet既一家人，多謝分享。」
相關閱讀：周文曦娶新抱丨婚宴奢華排場逐格睇！新娘巨型金牌頸鍊出門貴氣逼人 崔嘉寶喜獲兒子送花感動落淚
崔加寶大仔周志仁婚宴極具排場：
崔加寶曾是被力捧「銀河十星」成員之一
崔加寶曾與許志安拍拖9年，是中學同學兼初戀情侶。兩人一同就讀基督書院，崔加寶十八歲參加港姐，同年許志安參加新秀獲亞軍。兩人雙雙入行，之後就因價值觀不同而分手。崔加寶落選後簽約TVB成為力捧的「銀河十星」之一，與郭富城、邱淑貞、李婉華、胡越山、李耀敬、李中寧、林穎嫻、邵仲衡和吳詠紅齊名，她在80至90年代間拍過不少劇集，包括《誓不低頭》、《天涯歌女 》、《火玫瑰》及《金牙大狀》系列等，亦曾為娛樂資訊節目《K-100》擔任外景主持。直到1995年，崔加寶拍畢《情濃大地》便息影，同年嫁晨曦足球隊班主周文曦，婚後誕下兩子一女，多年來都過着少奶奶的悠閒生活。現時三名子女均已長大，並在外地各有發展，大仔周志仁在上海做時裝生意、二女周雅雯在加拿大做幼稚園教師、細仔周志賢在歐洲做國際模特兒，崔加寶與丈夫周文曦亦終可過二人世界。
